web counter
LEXO PA REKLAMA!

SHKARKO APP

App Store
Google Play

Kryesia e PD përjashton Elezin nga gara/ Lisandër Hoxha zbulon çfarë fshihet pas këtij vendimi

23 Maj 2021, 19:39, Politikë CNA

Ish-nënkryetari i Forumit Rinor të Partisë Demokratike, Lisandër Hoxha, ka reaguar pas vendimit të Kryesisë së PD-së, e cila skualifikoi nga gara për kryetar të PD-së 5 kandidatë, mes të cilëve edhe ish-kreun e degës së PD-së së Kukësit Ibsen Elezin.

Në një prononcim për CNA.al, Hoxha deklaroi se pretendimet e Kryesisë se Elezi nuk ka ndjekur interesin e PD janë të pavend.

Ai kujtoi deklaratën e drejtuesit politik të qarkut të Kukësit, i cili ka hedhur poshtë këto pretendime duke thënë se Ibsen Elezi e ka mbështetur gjatë fushatës dhe e ka ndihmuar atë.

Ish-nënkryetarit të FRPD-së i tha CNA.al se Kryesia ka marrë këtë vendim për shkak të frikës që Lulzim Basha ka nga çdo rival.

?Për Ibsen Elezin u shpreh edhe kryetari i qarkut të Kukësit, i pari dhe i deleguari i listës së Kukësit Flamur Hoxha, i cili tha se zoti Elezi më ka ndihmuar në fushatë dhe çdo aludim që ka pasur sot Kryesia e partisë se Ibsen Elezi ka punuar kundër PD janë hedhur poshtë nga Flamur Hoxha. Kur i pari i qarkut Kukës kërkon të mos denigrohet Elezi dhe shprehet se ka qenë ndihmës i imi në fushatë, si mund të përjahstohet ai se nuk ka ndjekur interesin e PD apo ka qenë jashtë angazhimit për PD. Kjo është frikë nga gara që fituesi i paracaktuar ka ndaj çdo lloj rivali në garë. Për këtë arsye dhe unë nuk mora pjesë?, theksoi Lisandër Hoxha./ CNA.al

Lisandër Hoxha ngre pikëpyetje/ Pse Basha nuk lejon të votojnë anëtarët e FRPD-së





Lajmet e fundit nga