web counter
LEXO PA REKLAMA!

SHKARKO APP

App Store
Google Play

Lisandër Hoxha ngre pikëpyetje/ Pse Basha nuk lejon të votojnë anëtarët e FRPD-së

23 Maj 2021, 19:59, Politikë CNA

Ish-nënkryetari i Forumit Rinor të Partisë Demokratike, Lisandër Hoxha, ka reaguar pas përjashtimit të Ibsen Elezit nga gara për kryetar të PD-së.

Hoxha tha për CNA.al se pas këtij vendimi të Kryesisë qëndron frika që Lulzim Basha ka nga rivalët. Ai deklaroi se gara për zgjedhjet e 13 qershorit vazhdon të jetë e mbyllur dhe sipas tij fituesi është i paracaktuar.

?Stabilokracia vazhdon. Kanë bërë një mbledhje, kanë zgjedhur kandidatë ata që i kanë konvenuar situatash. Gara vazhdon të jetë e mbyllur siç e kam thënë që në fillim, ka fitues të paracaktuar. Aty nuk votojnë me mijëra anëtarë të PD-së, të cilët janë fshirë nga sistemi. E gjithë administrata e partisë është në funksion të kryetarit aktual dhe për pasojë kjo garë mbetet një fasadë për të vjedhur vulën dhe logon e PD-së nga humbësit e zgjedhjeve të 25 prillit që na lanë 12 vite në opozitë?, u shpreh ai për CNA.al, ndërsa shtroi pyetjen se përse Lulzim Basha nuk lejon të votojnë anëtarët e FRPD-së.

?Janë rreth 20 mijë anëtarë të FRPD, të cilët janë vijën e parë e protestave dhe angazhimeve të përditshme të PD, votues të kësaj partie dhe aktivistë të jashtëzakonshëm, të cilët nuk kanë të drejtë vote në 13 qershor. Si ka mundësi që kjo degë e rëndësishme, kjo organizatë partnere e PD-së përjashtohet nga e drejta për të zgjedhur kryetarin e partisë, ndërkohë që janë në shërbim të partisë. Janë këta njerëzit që arrestohen, janë këta njerëzit që dhunohen, janë të parët në aksion, u kërkohet kontribut por nuk u jepet e drejtë vote?, theksoi Hoxha./ CNA.al

Kryesia e PD përjashton Elezin nga gara/ Lisandër Hoxha zbulon çfarë fshihet pas këtij vendimi





Lajmet e fundit nga