web counter
LEXO PA REKLAMA!

SHKARKO APP

App Store
Google Play

E fundit!

x

Basha urdhëron militantët: Sulmoni rivalët

23 Maj 2021, 12:20, Politikë CNA

Partia Demokratike do të hyjë në garë të brendshme në 13 qershor për të zgjedhur kryetarin e ri.

Në garë janë zyrtarizuar pesë kandidatë. Lulzim Basha do të jetë sërish pjesë e listës dhe do të përballet këtë herë me Edith Harxhin, Ibsen Elezin, Fatbardh Kadillin dhe Agron Shehajn.

Kandidatura e këtij të fundit është parë nga njerëz të ndryshëm si mbështetës i Lulzim Bashës për ti garantuar këtij karrigen për katër vitet e ardhshme në PD.

Por që nga dita e djeshme, kur Shehaj dorëzoi zyrtarisht kandidaturën, në rrjetet sociale kanë nisur sulmet ndaj Shehajt dhe rivalëve të tij për të nxjerrë sa më mirë dhe pozitive figurën e Bashës.

Ky reagim vjen si një urdhër i këtij të fundit, për shkak se gara këtë herë është edhe më e fortë nga demokratët që i janë rikthyer garës.

Nga një vëzhgim i CNA.al komentet dhe postimet kundër Edith Harxhin, Ibsen Elezin, Fatbardh Kadillin dhe Agron Shehajt janë të shumta.

Komente të shumta sharrëse nga profilet që përdoren te byrektorja e PD, shumica kundër Kadillit.

Drejtues të strukturave lokale sulmojnë Shehajn, ndërsa ky i fundit ka vënë call centerin e tij të shkruajnë komente pro tij./CNA.al

 





Lajmet e fundit nga