web counter
LEXO PA REKLAMA!

SHKARKO APP

App Store
Google Play

E fundit!

x

Video qesharake/ Kur Agron Shehaj tallej me demokratët dhe ndjesa e munguar

22 Maj 2021, 16:37, Politikë CNA

Në 13 qershor mbahet gara për kreun e ri të Partisë Demokratike, ku në garë janë 5 kandidatë.

Nga sot është zyrtarizuar edhe Agron Shehaj.

Në datën 23 prill, dy ditë para zgjedhjeve parlamentare, Shehaj ka qenë i ftuar në Euronews, duke komentuar sondazhet e nxjerra nga ky televizion në bashkëpunim me kompaninë MRB, të cilat rezultuan me një saktësi të madhë pas numërimit të votave.

Nga sondazhet dilte se PS do të ishte forcë fituese në Tiranë dhe PD-LSI së bashku nuk do të arrinin të vinin dot në pushtet. Gjithashtu, theksohej për barazim mazhorancë-opozitë në kryeqytet. Ky rezultat është kundërshtuar nga Shehaj, i cili theksonte se PD dhe LSI janë mbi 50%, ndërsa sipas tij PS ishte në pikiatë.

Drejtuesja e emisionit dhe diskutantë në panel i ka kërkuar Shehjat nëse do të mbante përgjegjësi për deklaratën e tij dhe nëse PD nuk do dilte fituese ai në datën 26 prill të kërkonte ndjesë publike.

Një sfidë e pranuar nga Shehaj, por i pambajtur asnjëherë. Një mashtrim publik nga Agron Shehaj dhe përtej deklaratës së tij, ka munguar dhe ndjesa.

Sot kur shpall kandidaturën për kryetar duhet të mos harrojë këtë deklaratë qesharake dhe tallëse për demokratët.

?Partia Demokratike dhe LSI bashkë janë mbi 50% dhe PS është shumë herë më poshtë 50%. Sondazhet janë sondazhe. PS është në pikiatë, 20 me 16. Në 26 prill do vi dhe do kërkoj ndjesë nëse ndodh e kundërta?, shprehej Shehaj.

Nga arithmetika elektorale dhe shifrat, Goni ngjan shumë me kryetarin e tij Lulzim Basha.

Megjithse i bashkojnë ?byrektoret? apo call centerat e komentuesve dhe telefonuesve të keq paguar./CNA.al





Lajmet e fundit nga