Basha hedh Agron Shehajn në garë/ Frikë se të tjerët tërhiqen

22 Maj 2021, 11:22, Politikë CNA

Ndërsa sot është afati i fundit për të dorëzuar kandidaturat për zgjedhjet që pritet të mbahen në 13 qershor, për zgjedhjen e kreut të ri të PD-së, Lulzim Basha duket se ka nxjerrë ?gurin? e tij të fundit, për t?i plotësuar farsën zgjedhore.

Sot, nëpërmjet një postimi në rrjetet sociale, Agron Shehaj ka deklaruar se do të marrë pjesë në garën për kreun e PD, me pretendimin se partisë i duhet një vizion i ri.

Në fakt pëertej asaj që shkruhet nga Agron Shehaj, duket se gjithçka është një skenar i Lulzim Bashës, i cili nga frika se mos kandidatët e tjerë tërhiqen ka hedhur në garë Agron Shehajn. Ky i fundit, është as më pak e as më shumë, veçse një prurje e Lulzim Bashës në PD.

Agron Shehaj në vitin 2017, u fut nga Lulzim Basha në listën e sigurtë e kandidatëve të PD për Vlorën. Dhe sot pas 4 vitesh në politikë, po shihet si rival i Bashës, megjithëse në garë me Lulin nuk do merrte as votën e tij, se Luli e ka zakon që voton e numëron vetë.

Ai erdhi në PD, pa asnjë kontribut politik, me akuza të shumta mediatike dhe emër me pasuri shumë të dyshimtë.

U akuzua se e bleu mandatin e deputetit dhe tani garon për kryetar të PD-së, edhe pse në katër vite deputet nuk u shfaq asnjëherë në krah të strukturave apo të organizonte ringritjen e opozitës, ishte thjesht një turist që askush nuk e merrte seriozisht në PD-në e Vlorës, sepse nuk e konsideronin si përfaqësues të tyre, por thjesht një deputet me mandat ?të blerë?.

Agron Shehaj aq i suksesshëm është si deputet, saqë nuk kandidoi dot për mandatin e dytë në vlorë pasi shpartalloi strukturat e PD në këtë qytet.

Dhe pasi regjistroi një rezultat katastrofik në Vlorë Lulzim Basha e solli në Tiranë. Zëvendësimi u bë me Bujar Leskajn. Ky i fundit nuk kishte paratë e Agron Shehajt, por e rriti me 50% rezultatin duke shkuar në gati 33% dhe duke siguruar 4 mandate deputetësh.

Dhe tashmë si ?shpërblim?, Lulzim Basha e përdor si ?gur rezervë?, dhe e fut në garë si rival të tij.

Gjë që duket qartë si një lojë e Lulzim Bashës, për legjitimimin e garës, nga frika se mund t?i tërhiqen kandidatët e tjerë.

Pasi tre kandidatet e tjerë kanë paraqitur kërkesa dhe do kërkojnë të kontrrollojnë garën në çdo detaj,Agron Shehaj është garancia që këta të largohen dhe ai të ngelet deri në fund si shpëtim për Lulzim Bashën./CNA.al

Të gjitha hijet e Agron Shehajt