web counter
LEXO PA REKLAMA!

SHKARKO APP

App Store
Google Play

E fundit!

x

Sot afati i fundit/ Kush janë kandidatët që kërkojnë të marrin drejtimin e PD

22 Maj 2021, 09:45, Politikë CNA

Në 13 qershor, Partia Demokratike pritet të zhvillojë zgjedhjet për të zgjedhur kreun e ri të kësaj force politike, ndërsa sot është afati i fundit për kandidatët të dorëzojnë zyrtarisht formularët pranë PD.

Deri tani në garën për të marrë drejtimin e Partisë Demokratike, janë kater kandidatura.

Sekretari i Burimeve Njerëzore në PD, Fatbardh Kadilli, është i pari që dorëzoi zyrtarisht kandidaturën e tij për të drejtuar PD.

Kadilli në daljet e tij mediatike ka sulmuar Lulzim Bashën, pas humbjes së zgjedhjeve të 25 prillit, duke u shprehur se sipas tij PD ka nevojë për një drejtim të ri.

Ndërkohë, një tjetër person që ka dorëzuar dje zyrtarisht kandidaturën për kryetare, është Edith Harxhi, ish-anëtare e kryesisë së PD.

Harxhi theksoi dje për mediat se PD ka nevojë për një reformim të thellë, mbi idealet me të cilat është ngritur.

Ndërkohë sot ka dorëzuar zyrtarisht kandidaturën edhe ish-kreu i degës së PD në Kukës, Ibsen Elezi, I cili theksoi se PD duhet të përcjellë mesazh demokracie tek qytetarët. Kjo sipas tij do të bënte që PD të fitojë besimin e qytetarëve dhe të largojë Ramën.

Edith Harxhi dhe Ibsen Elezi janë dy kandidatura, të paraqitura nga Grupimi për PD.

Gjithashtu edhe kreu aktual i PD-së, Lulzim Basha do të marrë pjesë në garë, duke kërkuar kështu që të rizgjidhet për herë të tretë në krye të PD.

Dje ne media u fol se edhe ish kreu i FRPD Lisandër Hoxha ka tërhequr formularin nga komisioni, por ende nuk e ka dorëzuar.

Por, sot ai ka dale me nje qendrim publik, ku shprehet se nuk do te paraqese kandidaturen per te marre drejtimin e PD./ CNA.al





Lajmet e fundit nga