web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e kreut të ri të PD/ Kadilli pesimist për garë të rregullt

23 Maj 2021, 09:03, Politikë CNA

Pas humbjes në zgjedhjet e 25 prillit, Partia Demokratike do të shkojë në 13 qershor në zgjedhjet për kryetarin e ri.

Lulzim Basha duke justifikuar humbjen me masakrën elektorale do të jetë sërish në garë, ku përballë do të ketë Ibsen Elezin dhe Edith Harxhin nga ?Grupimi për PD?, Agron Shehajn dhe Fatbardh Kadillin.

Ky i fundit shprehet pesimist se në 13 qershor mund të ketë një garë me rregulla të qarta, ndërsa thekson se Komisioni i Apelimit ende nuk është plotësuar me anëtarë.

Në një intervistë për CNA.al, Kadilli theksoi se ka qenë Arben Ristani ai i cili ka shtruar kërkesën për plotësimin e këtij komisioni në Kryesi dhe Këshillin Kombëtar.

Kandidati për kreun e PD-së shtoi më tej se sot ka një mbledhje Kryesie që duhet të përcaktojë kandidaturat dhe modalitetet e garës dhe do pritet të shihet se çfarë vendimi do merret.

?Rregullat nuk janë përcaktuar ende, jo më të jenë të qarta. Komisioni i Zgjedhjeve në parti, edhe pse duhet të ishte i krijuar kohë më parë, u plotësua me emrat e anëtarëve vetëm para një jave. Ndërkohë, Komisioni i Apelimit ende nuk është plotësuar me anëtarë, edhe pse Zoti Ristani e ka përsëritur prej kohësh këtë kërkesë në Kryesi dhe në Këshill Kombëtar.

Sot ka një mbledhje Kryesie që duhet të përcaktojë kandidaturat dhe modalitetet e garës. Të shohim çfarë do vendosë?, tha Kadilli për CNA.al.

Më tej, kandidati për kreun e PD-së i pyetur nëse ka garanci se nuk do të ketë manipulime në garë u përgjigj: ?Nuk ka garë ku ata që administrojnë të mos jenë të tunduar të fusin duart. Ato që ju quani garanci nuk i di, sepse nuk kam parë ende asnjë draft për modalitetet dhe procedurat e garës?.

Kadilli deklaroi se nuk i ka listat e antarësisë dhe pret që Kryesia të dal me një vendim duke i bërë ata publik. ?Listat nuk i kam. Po pres çfarë do të vendosë sot Kryesia për këtë kërkesë?, tha Kadilli./CNA.al





Lajmet e fundit nga