web counter
LEXO PA REKLAMA!

SHKARKO APP

App Store
Google Play

Komisioni për shkarkimin e  Metës/ Ngjela: Nuk është rastësi stërvitja e ushtrisë amerikane

24 Maj 2021, 11:48, Politikë CNA

Avokati Spartak Ngjela ka komentuar zhvillimet më të fundit në vend. Shkarkimi i presidentiti Ilir Meta dhe shpallja non grata e ish kryeministrit Sali Berisha në SHBA kanë qenë në fokus të analizës së avokatit, i cili i ka lidhur këto dy ngjarje me stërvitjen e ushtrisë amerikanë në Shqipëri.

Në një postim në rrjetin social, Ngjela deklaroi se Meta dhe Berisha janë dy politikanë të korruptuar dhe si të tillë janë të padëshiruar nga Uashingtoni.

Sipas avokatit, vendimi për Metën dhe Berishën nuk përkojnë rastësisht në momentin kur ushtria amerikane ka zbarkuar në Tiranë.

?Esencën e historisë aktuale të çështjes shqiptare që po fermentohet në konsolidim të plotë kombëtar me ndihmën e Shteteve të Bashkuara, siç e shprehëm më lart, e dha dje, në mënyrë të drejtpërdrejtë, ambasadorja amerikane në Tiranë, Yuri Kim. Dhe jo vetëm kaq: ajo foli vetëm për Shqipërinë, për shqiptarët dhe forcën e miqësinë e madhe shqiptaro-amerikane, në prani të trupave amerikane që ndodhen në Shqipëri prej disa ditësh.

Asnjëherë nuk është folur kështu.
Por, asnjëherë Shqipëria dhe Shtetet e Bashkuara nuk kanë qenë kaq afër.
Në fakt, është koha kur politika amerikane po kuptohet se e ka mposhtur fluksin politik antiamerikan të lidershipit shqiptar.


Por ajo që është më e rëndësishmja është pikërisht prezenca e madhe e ushtrisë amerikane në Shqipëri, mu në kohën kur është hapur procesi për të shkarkuar presidentin Ilir Meta dhe kur ish kryeministri Sali Berisha është shpallur person nongrata në Shtetet e Bashkuara.

Por, qartë po kuptohet se ky është një proces i historisë së re të Shqipërisë dhe shqiptarizmit në Ballkanin Perëndimor. Dhe do të triumfojë si fitore e shqiptarëve, pas njëqind vjetësh, dhe kundër pushtuesëve të territoreve të tyre shekullorë.?, shkruan Ngjela./CNA.al





Lajmet e fundit nga