web counter
LEXO PA REKLAMA!

SHKARKO APP

App Store
Google Play

E fundit!

x

Në 3 vite Vetting/ 60% e gjyqtarëve dhe prokurorëve, jashtë sistemit

22 Maj 2021, 11:57, Vetingu CNA

Për më shumë se 3 vjet, nga Shkurti 2018 ? Prill 2021, rezulton se procesi i Vettingut në shkallë të parë, i realizuar nga Komisioni i Pavarur i Kualifikimit (KPK), ka sjellë shkarkimin nga detyra me vendim të arsyetuar, të rreth 36.2% e subjekteve, ndërkohë që Vettingu është ndërprerë, pushuar apo ka përfunduar për 22.7% të subjekteve, si rezultat i dorëheqjes, daljes në pension, etj.

Vetëm 40.7% e subjekteve janë konfirmuar në detyrë, sipas të dhënave të përpunuara nga Komiteti Shqiptar i Helsinkit. Shumica dërrmuese e vendimmarrjeve të shkarkimit nga KPK, janë për gjyqtarët, përfshi anëtarët e Gjykatës Kushtetuese (64%), prokurorët (34%), etj.

Motivi kryesor që ka sjellë shkarkimin e tyre është kriteri i pasurisë (pasuri e pajustifikuar, fshehje e të ardhurave, etj).

Një pjesë e konsiderueshme e këtyre vendimeve të KPK-së (afro 1/3 e tyre) janë ankimuar nga Komisioneri Publik ose vetë subjektet e prekura, në institucionin që realizon Vettingun në shkallë të dytë, përkatësisht pranë Kolegjit të Posaçëm të Apelimit (KPA).

Po gjatë kësaj periudhe, KPA rezulton se për 73.7% të subjekteve ka vendosur lënien në fuqi të vendimit të KPK-së, ndërkohë që për 24.2% të subjekteve rezulton se vendimi i KPK-së është ndryshuar, duke sjellë në disa raste edhe shkarkimin e subjekteve të konfirmuara në shkallën e parë./CNA.al





Lajmet e fundit nga