web counter
LEXO PA REKLAMA!

SHKARKO APP

App Store
Google Play

“Kemi filluar një remont të strukturave”/ Spiropali: Duhet ta bëjë dhe opozita në vend të turit të humbjes

15 Maj 2021, 16:22, Politikë CNA

Ministrja e Shtetit për Marrëdhëniet me Parlamentin Elisa Spiropali është shprehur se secila parti duhet të bëjë analizat e saj për gabimet e bëra në zgjedhjet parlamentare të 25 prillit.

Spiropali në një intervistë për News24 shton se PS ka nisur një remont total të të gjitha strukturave dhe sipas saj, të njëjtën gjë duhet të bëjë dhe opozita në vend të turit të humbjes

?Ne mendojmë se kemi 77 mandate në kuti. Fakti që kemi marrë 74 mandate për një mandat të tretë është një fitore e jashtëzakonshme e Edi Ramës dhe PS që ka përfshirë të gjitha kapacitetet njerëzore, alternativat, idetë. Krenaria është një gjë dhe përgjegjësia diçka tjetër. Sot kemi të certifikuara nga KQZ, nga raportet e partnerëve tanë ndërkombëtarë zgjedhjet me këto rezultatet. Secilës parti i takon të bëjë analizat e saj. Ne kemi bërë analizën tonë.

 Kemi filluar një remont total të strukturave, po bëjmë analiza në çdo qark dhe çdo organizatë. Deri më 12 qershor do kemi një fotografi shumë më të qartë të punës në territor. Këtë bën një parti serioze dhe këtë mendoj se duhet të bëjë dhe opozita në vend se të bëjë një tur të humbjes qytet më qytet, duke nxjerrë alibi për një humbje dinjitoze?, u shpreh Spiropali./CNA.al

 





Lajmet e fundit nga