E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Pse Grida Duma sulmoi Arben Imamin?

15 Maj 2021, 09:57, Politikë CNA

Grida Duma, një nga zyrtaret e PD-së ka kapultuar në kohën e Lulzim Bashës, dje në një dalje të saj televizive ka hedhur akuza ndaj Arben Imamit, ish ministrit të vetë në qeverinë Berisha, ish shefi i kabinetetit të tij, themelues i PD dhe një nga njerëzit që së fundmi i është bashkuar sërish demokratëve të cilët kërkojnë dorëheqjen e Lulzim Bashës.

Imami ka pasur një qëndrim konstant ndaj Lulzim Bashës dhe këtë nuk e ka bërë siç mund të jetë dikush tjetër, që e sulmoi Lulin, sepse nuk mori ofiqin që priste. Imami ka qenë nga ata emra që ka deklaruar se sjelljet politike të Lulzim Bashës, qasja e tij dhe ortakëritë me Edi Ramën do ta shkatërronin PD dhe do e çonin drejt disa humbjeve rresht. Dhe ky parashikim i bërë nga Arben Imami ka rezultuar i vërtetë dhe situata e opozitës duket që të jetë katastrofike.

Por Lulzim Basha nuk dorëzohet, ai përdor edhe Grida Dumën. Përdor edhe personazhe politike të ngritura prej tij, të futura në PD në mënyrë krejt të dyshimta. Duma pa asnjë kontribut politik ka kapultuar si zyrtare e lartë e PD pas një mbështetje të madhe të dhënë nga vetë Henri Çili.

Ishte një personazh që qëndronte në krah të ish drejtuesit të këtij univeristeti privat, për shkak të disa lidhjeve okulte apo disa kredive të marra në banka të drejtuara nga persona me lidhje të forta me Grida Dumën. Më pas, shërbimet nga brenda të Lulzim Bashës e çuan Grida Dumën nga një kandidim në një tjetër, ku rezultatet që sillte ishin humbje, humbje dhe vetëm humbje.

Regjistroi një humbje katastrofike në 2015 në Durrës, në 2017 gjithashtu në zonën që drejtoi në Tiranë dhe në 2021 premtoi se do të jepte dorëheqjen në rast se kundërshtari i saj do merrte 7% të votave në Kavajë dhe Rogozhinë dhe ajo që ndodhi është që PD ka humbur në të dyja këto zona duke shënuar një rezultat humbës dhe një dështim totalisht pa asnjë diskutim të zonjës Duma, që drejtonte edhe fushatën në këto dy zona.

Grida sulmon Arben Imamin, por nuk thotë asnjë fjalë për marrëveshjen e Lulzim Bashës me Edi Ramën, marrëveshjen e famshme të majit të vitit 2017 ku për herë të parë Grida do të bëhej deputete në një proces zgjedhor, për të cilin Lulzim Basha tha se do të ishte më shembullori në historinë e Shqipërisë, ku nuk do të shiteshin dhe bliheshin vota, ku PD mori gjysmën e qeverisë, mori edhe gjithë drejtimin e koorporatave dhe kompanive kryesore dhe regjistroi rezultatin më të ulët që ka pasur që nga dita e parë e themelimit, ka marrë më pak vota se në vitin 1997.

Grida Duma dje sulmonte Arben Imamin, por nuk tha asnjë fjalë për humbjet, pazaret, bëmat dhe gjëmat që janë historia e Lulzim Bashës në PD. Arben Imami fundja është thjesht anëtar, asgjë më shumë.

Pse Grida Duma nuk flet për humbjet bëmat dhe gjëmat e saj por del dhe sulmon të tjerët, a thua se ajo është fituese, shpresa dhe e ardhmja e PD-së.

Me të tilla shpresa dhe të ardhme, PD-ja nuk rrezikon në 2025, por për ata që janë më optimist duke e parë me sy pozitiv, rrezikon edhe zgjedhjet e vitit 2029. Në funksion të këtyre humbjeve dhe garancive që Lulzim Basha i jep Edi Ramës janë edhe këto sulme nga humbës serial që janë peng tek kryeministri dhe i shërbejnë karriges së tij dhe stolit të tyre./CNA.al