E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Turet e Bashës pas zgjedhjeve/ Pedagogu ‘zbërthen’ mesazhet politike

14 Maj 2021, 15:11, Politikë CNA

Kryetari i Partisë Demokratike Lulzim Basha ka vijuar sot takimet me strukturat e partisë në qytetin e Fierit.

Ai kërkoi nga demokratët të mos e ndalin betejën e tyre duke përsëritur bindjen se Partia Demokratike nuk do t?i njohë zgjedhjet dhe përjashtoi çdo mundësi bashkëpunimi me Ramën.

Pedagogu Romeo Hanxhari, theksoi se Basha përmes tureve në qytetet e vendit synon të mbajë gjallë frymën e strukturave dhe t?i përcjellë gjithashtu mesazh të qartë kryeministrit Edi Rama se PD-ja se nuk do bashkëpunojë me PS-në.

?Është e qartë se situata për strukturat e PD, opozitës, përkrahësve e saj dhe për votuesit është zhgënjyese. Ata përjetuan një entuziazëm të jashtëzakonshëm dhe ditët pas zgjedhjeve janë një periudhë shoku. Pra, një rezultat i papritur dhe i padrejtë nga të gjitha konsideratat politike. Basha dhe të gjithë drejtuesit e kanë detyrë, që duhet të ngre moralin e strukturave të PD dhe të bëjnë të qartë se cili do jetë pozicioni politik. Është një mesazh për përkrahësit e opozitës dhe për pushtetin, mazhorancën, sepse Basha ka thënë se për PD opsioni i bashkëpunimit me krimin është zero?, tha ai.

Duke folur për Euronews Albania, z. Hanxhari komentoi gjendjen brenda Partisë Demokratike, ku pas humbjes së zgjedhjeve të 25 prillit janë shtuar zërat, të cilët kërkojnë dorëheqjen e kryetarit Lulzim Basha.

Ai thekson se z. Basha i ka pozitat e konsoliduara në Partinë Demokratike, ndërsa shtoi se grupimii ngritur kundër tij manifeston sjellje të ndryshme.

Pedagogu tha se lideri i PD-së në këto momente ka më shumë përgjegjësi ndaj opinionit publik, i cili siç shprehet Hanxhari është në të drejtën e tij të kërkojë një opozitë më të fortë kundër pushtetit.

?Z. Basha pozitat në PD i ka të forta, sepse pothuajse të gjithë opinionistë realistë në vend i kanë gjetur zgjedhjet problematike, që do të thotë se ekziston një bindje se këto zgjedhje vetëm të lira nuk kanë qenë. Pozitat e tij janë të forta, natyrisht konteksti nuk është i përshtatshëm për z. Basha në opinionin publik. Më shumë e ka përgjegjësinë para opinionit, i cili kërkon një opozitë të fortë dhe të shëndetshme. Grupimi ka një diversitet shumë të madh, dhe nuk e di nëse mund të quhet grupim apo jo?, theksoi profesori./euronews