E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Ish-hetuesi i diktaturës dështon në SPAK/ Arben Kraja “peng” i politikës?

14 Maj 2021, 09:42, Politikë CNA

Arben Kraja, kreu i SPAK-ut, ish- hetuesi i diktaturës, duket se nuk po ia del në krye të Strukturës së Posaçme Antikorrupsion.

Kraja, ka shkëlqyer në komunizëm, por të gjitha gjasat tregojnë se ka dështuar në SPAK, në institucionin më të përfolur dhe më të mbështetur nga ndërkombëtarët, si Ambasada e SHBA dhe jo vetëm.

Kraja në kohën e diktaturës i ka shërbyer me devotshmëri pushtetit të atëhershëm, duke kërkuar dënime për ata që tentuan të kalonin kufirin, të argumentuara si krime kundër shtetit apo rendit administrativ.

Sot, kur korrupsioni vlon dhe zien nëpër institucionet tona, kur po zhvaten taksat e qytetarëve, pra po bëhen krime kundër qytetarëve, Kraja hesht, nuk argumenton, nuk vepron, nuk heton.

Ai dyshohet, se vazhdon të mbajë linjën e të qenit besnik ndaj pushtetit, duke i qëndruar versionit, ?ujku qimen e ndërron por zakonin se harron?.

Kur mori detyrën si kreu i SPAK, doli dhe tha, se s?kanë kohë për fjalë, pasi kanë shumë punë për të bërë.

?Bashkë me zotin (Altin) Dumani dhe (Edvin) Kondili, do bëjmë një skuadër shumë të fortë dhe do e drejtoj me plot kompetencë. Koha është për punë e jo për llafe, kemi shumë punë për të bërë?, u shpreh Kraja në Dhjetor të vitit 2019, në prani edhe të Prokurorit të Përgjithshëm Olsian Çela.

Por, kur ka kaluar më shumë se një vit nga kjo deklaratë, duket se më shumë janë bërë fjalë, se sa punë.

Më shumë kemi parë Arben Krajën duke shëtitur televizioneve se sa duke punuar.

Rezultatet janë minimale, për mos të thënë fare. Duket sikur Kraja është dërguar në krye të atij isntitucioni për të mbrojtur korrupsionin qeveritarë apo korrupsionin e niveleve të larta dhe dyshohet se punon vetëm me urdhëra politike.

SPAK-u krijua në mënyrë të tillë që prokurorët që hetonin korrupsionin të ishin të pavarur, pasi shpesh ishin lakuar për lidhje të drejtpërdrejta me politikën dhe biznesin e madh.

Por, duket se një gjë e tillë nuk është arritur ende, pavarësisht të gjitha kushteve që u janë krijuar prokurorëve të SPAK-ut.

Arben Kraja, ose duhet të pranojë se është peng i politikës dhe të japë dorëheqjen nga drejtimi i atij institucioni, ose duhet ta tregojë me vepra, se është i pavarur dhe hetojë e të dërgojë para drejtësisë, zyrtarë të nivelit të lartë.

Deri më tani, ka folur, vetëm ka folur, por nuk paguhet për fjalë, se nuk është fallxhor që sheh filxhan, por për të bërë drejtësi, larg duarve të politikës.

SPAK që u trumbetua si shpresë për drejtësinë po rezulton një flluskë sapuni dhe shpresë për rritjen e financave të atyre që punojnë aty, ndërsa risjellim në vëmendje, se ka nga ata në SPAK, që e kanë kaluar në mënyrë të dyshimtë Vettingun, dhe falë lidhjeve që kanë me pushtetin./CNA.al