web counter
LEXO PA REKLAMA!

SHKARKO APP

App Store
Google Play

Braho pyet specialistët e mjekësisë: Duhet ta dimë nëse Ilir Meta është çmendur apo jo

14 Maj 2021, 10:09, Politikë CNA

Anëtari i Komisionit Hetimor për shkarkimin e presidentit Ilir Meta, Spartak Braho ka ngritur dyshime të forta për gjendjen psikologjike të Presidentit pas deklaratave të këtij të fundit para zgjedhjeve të 25 prillit.

Spaho ibëri një pyetje të drejtpërdrejtë specialistëve mjekësore, të cilëve i kërkoi që të shpjegonin gjendjen psikologjike të Metës.

Pyetjes ju përgjigj Edmond Stojku, i cili sqaroi se ka raste kur një person shfaq luhatje të theksuar humori që në gjendje stresi varion në shpërthime dhe çon në vendimarrje të gabuar personat në pushtet.

Gjithsesi, Komisioni Hetimor kërkoi që të fokusoheshin vetëm te kërkesat e bëra nga nismëtarët për shkarkimin e Metës dhe nuk e pranuan kërkesën e Brahos.
Braho e mori fjalën sërish, duke sulmuar Metën teksa tha që ata kanë nevojë të dijnë nëse këto janë vendime të një njeriu të çmendur apo nëse bëhet fjalë për gjendjen emocionale siç e shpjegoi Edmond Stojku.

Pjesë nga biseda:

Braho: Si e vlerësoni ju si specialistë të mjekësisë gjendjen psikologjike të Presidentit? Mos jemi në kushtet e mosaftësisë?

Stojku: Problemi është këtu diskutohet për një luhatje të theksuar të humorit, qëë në gjendje të stresit varion në shpërthime, duke çuar në vendimarrje të gabuar të personit në pushtet. Mendoj nuk do të ishte keq një kqyrje më e thellë profesionale mund të nxjerrë konkluzione më të detajuara. Këta njihen jo vetëm për njerëzsit e pushtetshëm por edhe për njerëzit e zakonshëm. Këto luhatje ndodhin, por nuk duhet të ndodhin për një periudhë të gjatë kohe. Kur kemi disa shpërthimi të herëpashershme, mendoj se mund të merren në konsideratë.

Braho: Ne duhet ta dimë që këto janë vendimet e një njeriu të çmendur, se populli ashtu e quan atë, apo janë veprime të një njeriu siç e shpjegoi doktor Stojku./CNA.al





Lajmet e fundit nga