web counter
LEXO PA REKLAMA!

SHKARKO APP

App Store
Google Play

Humbja në zgjedhje/ Nishani: Asnjë ndryshim, PS solli probleme për 8 vite

15 Maj 2021, 09:28, Politikë CNA

Ish-presidenti Bujar Nishani ka dalë ditën e sotme në një deklaratë për mediat nga qyteti i Korçës. Ai ka qenë i shoqëruar nga ish deputetë, themelus të PD dhe ish drejtues të saj lokal si Arben Imami, Edith Harxhi, Arben Ristani dhe Bislim Ahmetaj. Në këtë deklaratë do të flitet për humbjen në zgjedhjet e 25 Prillit. Në fjalën e tij ai u shpreh se zgjedhjet nuk sollën asnjë ndryshim.

Sipas tij, 25 Prilli la të njëjtën qasje që për 8 vite solli probleme të mëdha.

?Kishte një moment para pak ditësh 25 prillit kur shoqëria shqiptare synonte për ndryshimin e një situate që ishte bërë e papranueshme. Në këtë proces ndryshimi besonin të gjithë. Ndryshimi vjen përmes sistemit dhe në një vend të qytetëruar brenda sistemit mekanizmat sjellin ndryshim.

Jam i bindur që të gjithë ne dhe mijëra qytetarë shqiptarë kanë një dëshpërim sepse nuk mundëm të realizojmë atë që prisnim.

25 Prilli nuk solli asnjë ndryshim në Shqipëri. La përsëri PD në opozitë dhe rrezikon që për shumë arsye që të thellohet dhe konsolidohet rrënimi demokratik dhe ajo që na shqetëson akoma më shumë, degradimi i të vetmit mekanizëm, aktor dhe faktor që mund të bëjë diferencën, Partisë Demokratike. Korça dhe disa epiqendra të tjera të Shqipërisë paraqesin qendrën. Unë personalisht dhe kolegët jemi të nderuar që jemi mes personaliteteve të këtij qyteti dhe të PD?, u shpreh Nishani./ CNA.al





Lajmet e fundit nga