Insistimi i Rusmalit që PD ti prezantonte provat/ "Më jepni një shifër, jo një fjalim"

15 Maj 2021, 12:53, Politikë CNA

Ankimimet e Partisë Demokratike për mosnjohjen e zgjedhjeve në 9 qarqe kanë qenë të pabazuara në asnjë fakt apo provë.

Ditën e djeshme KAS u mblodh për të shqyrtuar ankimimet e bëra nga selia blu, ndërsa ka qenë anëtari i këtij komisioni Ilir Rusmali ai i cili i ka kërkuar PD të japë prova konkrete dhe jo fjalime boshe.

Në vijim është dialogu i Ilir Rusmalit me përfaqësuesin e PD në KQZ:

Ilir Rusmali (Anëtar i KAS): Ju keni referuar në kërkesën tuaj ankimore për raste të blerjes së votës. Mund të na thoni për rrethin e provave për sa raste bëhet fjalë?

Marash Logu (Përfaqësues ligjor i PD): Besoj që patëm edhe një diskutim tjetër dje, por megjithatë, përderisa bëni pyetjen, do të thotë se nuk jeni mjaftueshëm i sqaruar deri në fund.

Ne, në fakt, për të gjitha rastet e shitblerjes së votës, të cilat përbëjnë shkelje të nenit 78 të Kodit Zgjedhor, por edhe të dispozitave penale, kemi depozituar kallëzimet penale.

Ilir Rusmali: Ju keni depozituar kallëzime penale për blerje të tjera. Mua më duhen sa raste keni për blerjen e votës, më duhet një numër jo një fjalim? Apo nuk e keni si numër?

Marash Logu: I nderuar, ne kemi konstatuar raste të shumta të blerjes së votës, të cilat janë denoncuar nga ana jonë. Kjo është arsyeja se përse ne kërkojmë nga ky komision?.

Ilir Rusmali: Unë e mora përgjigjen, pra, “rastet janë të shumta”.

Marash Logu: Unë nuk e dhashë përgjigjen. Ndaj, të lutem shumë, të jap përgjigjen time dhe të Partisë Demokratike?

Ilir Rusmali: Do të japësh shifër në vend të fjalës tani?

Marash Logu: Unë do të jap shifër dhe çdo gjë tjetër që është e nevojshme për këtë proces. Kjo është arsyeja i nderuar që ne i sjellim këto kallëzime penale dhe ju themi që ne i kemi denoncuar që në datën 7 prill dhe sot jemi në 14 maj. Prokuroria e Posaçme Antikorrupsion me siguri ka kryer hetime në përputhje me kodin e procedurës penale dhe ne ju kërkojmë vazhdimisht ju që merrni informacion nga Prokuroria e Posaçme, merrni informacione nga prokuroritë e rretheve dhe të jeni të sigurt që do të merrni të dhëna dhe shifra konkrete. Sepse Partia Demokratike nuk është as polic dhe as Prokuror dhe as gjyqtar . Cila është arsyeja që ju i nderuar refuzoni ti merrni këto prova nga prokuroritë, sepse do të merrni edhe të dhënat.

Ilir Rusmali: Këtë nuk e dini ju! Mos i paragjykoni anëtarët e KAS.

Marash Logu: Ne e dimë sepse kemi dhënë fakte dhe të dhëna konkrete.

Ilir Rusmali: Këtë nuk e dini, ju sepse edhe mund t?i marrim.

Marash Logu: I nderuar, kallëzimi i rremë është vepër penale, kështu që nuk bëjmë ne kallëzime të rreme, kështu që informohuni pranë Prokurorisë dhe do të merrni përgjigjen e saktë.

Ilir Rusmali: Nuk e devijon dot vijimin, as me fjalim dhe as me?

Marash Logu: Atëherë, pse refuzoni që të merrni prova nga Prokuroria?

Ilir Rusmali (i drejtohet drejtuesit të seancës): Do t?ia mbyllësh pak mikrofonin atij?

Atëherë, refuzimin apo pranimin e merrni përmes vendimit të këtij komisioni. Jo nëpërmjet debatit që bën me anëtarë të veçantë të trupës. Ke dhënë dy përgjigje; ke thënë “kemi raste të shumta” dhe ke dhënë dhe përgjigje “nuk kemi shifër kërkoja prokurorisë”.

Mua më ndihmojnë për të krijuar gjykimin tim. Tani le të shkojmë më tutje. Te kapitulli i përdorimit të shtetit për fushatë. Ju keni përmendur 22 raste… nuk kemi nevojë të shkojmë në Prokurori. Këto 22 raste, a mund t?i konvertoni në vota? Këto 22 raste sa vota kanë tjetërsuar?

Marash Logu: Për 22 rastet që ne kemi folur, kemi referuar të gjitha provat që kemi pasur në dispozicion.

Foto, video, artikuj mediatik. Një pjesë të tyre e kemi vënë në dispozicion edhe linqe, të cilat janë të aksesueshme lehtësisht, dhe kjo është bërë për të lehtësuar punën e KQZ.