web counter
LEXO PA REKLAMA!

SHKARKO APP

App Store
Google Play

“Zgjedhjet e 25 prillit nuk mund të njihen”/ Absurditeti i Mark Markut: Do shkoj në Parlament dhe...

3 Maj 2021, 20:44, Politikë CNA

Mark Marku, i cili në zgjedhjet e 25 Prillit fitoi mandatin e deputetit në Qarkun Lezhë, është shprehur se Partia Demokratike nuk do ta njohë rezultatin e zgjedhjeve, por do hyjë në Parlament. Ai shtoi se ky Parlament nuk meriton të njihet sepse sipas tij, nuk është legjitim.

Më tej, i ftuar në emisionin Opinion bëri thirrje që të gjithë ata që kanë vjedhur zgjedhjet duhet të shkojnë në burg dhe shtoi se beson se do organizohen protesta.

 ?Nuk mendoj se përjashtojnë njëra-tjetrën. Ky proces nuk mund të njihet. Nuk e di si do merret vendim. Mendoj që mund të hysh dhe në parlament? Do shkoj do bëj luftën. Nuk e di se çfarë vendimi do merret. Lufta bëhet në disa forma, në Parlament, në institucione ndërkombëtare, gjykata, prokurori. Dhe kjo nuk nënkupton që të mos shkosh në Parlament.

 Ky Parlament nuk meriton të njihet, në gjykimin tim, as qeveria shqiptare, as Parlamenti asnjë institucion i shtetit shqiptar sot nuk është legjitim, përfshirë edhe pushtetin lokal. Jemi në një pushtet totalisht jo legjitim dhe gjëja më normale është luftë totale për mbrojtjen e demokracisë në të gjitha format. Të shkojnë në burg të gjithë këta që kanë vjedhur dhe të dorëzojnë pushtetin. Ata ka 8 vjet që vjedhin zgjedhjet. Besoj se do organizohen protesta dhe duhet?, deklaroi ndër të tjera Mark Marku./CNA.al





Lajmet e fundit nga