web counter
LEXO PA REKLAMA!

SHKARKO APP

App Store
Google Play

“Disa banda më ofruan ndihmë në zgjedhje”/ Duma: Basha më tha…

3 Maj 2021, 21:04, Politikë CNA

Grida Duma është shprehur se gjatë fushatës elektorale disa banda i ofruan ndihmë financiare, për të dalë fitues nga zgjedhjet e 25 prillit. Ajo tha se për këtë temë ajo bisedoi me kreun e Partisë Demokratike Lulzim Basha i cili sipas saj, i tha që nuk mund ta pranojnë diçka të tillë.

Duma në një intervistë për Open shtoi se këto banda kaluan në krahun tjetër dhe me para, me forcë dhe kërcënime i dhanë vota PS-së.

?Më erdhën disa banda gjatë fushatës, nga më të ndryshmet, u vetëofruan të na sjellin pushtetin me mënyrat e tyre duke shkuar në zonat e thella duke i kërcënuar banorët. Më thanë t?ju financojmë, por duam poste në Bashkitë gjatë zgjedhjeve lokale dhe unë shkova në zyrë dhe bëra një bisedë 3 minutëshe me Lulzim Bashën. I thashë këta persona më kanë ofruar këtë gjë, çfarë qendrimi do mbani ju. Dhe unë e vlerësoj shumë gjestin e atij njeriu, që vetëm me një qasje dore më tha jo. Jo absolutisht.

Unë asnjëherë nuk kam pasur dyshime, dhe asnjëherë nuk do të kem, por duhet të vija në dijeni kryetarin e partisë. Ne nuk mund të lejonim që të vinim në pushtet me këto lloj bandash. Ne jemi me kartën morale më të ndershme,? tha Duma./CNA.al





Lajmet e fundit nga