E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Partitë e vogla mbetën pa mandate/ Akuza PS-PD për eliminimin e tyre

30 Prill 2021, 17:39, Politikë CNA

Zgjedhjet e 25 prillit ishin një test për partitë e reja, të cilat nuk arritën të siguronin asnjë mandate të vetëm.

Përveç partive tradicionale, PS, PD dhe LSI apo PSD e Tom Doshit, për zgjedhjet parlamentare garuan edhe 8 parti të reja.

Aleanca Bashkimi Popullor Emigracioni – Ora e Shpresës dhe Konservatorët ishte koalicioni që krijoi Kostaq Papa, Kujtim Gjuzi, Zef Shtjefni dhe Selami Jenisheri, pas refuzimit që u bëri kreu i PD Lulzim Basha.

Në një reagim për CNA.al Zef Shtjefni, deputeti aktual i Kuvendit dhe kreu i partisë Ora e Shqipërisë shprehu rezervat e tij për procesin e numërimit, ku theksoi se PS dhe PD kanë gjetur dakordësinë për të nxjerrë jashtë loje partitë e reja.

Shtjefni kandidoi në qarkun e Shkodrës, ku deklaroi se terreni ishte mjaft i vështirë për shkak të dominimit të dy partive të mëdha PS dhe PD, por edhe ndikimit të Tom Doshit.

?Ka pasur një dakordësi për të eleminur partitë e vogla. Numëruesit të majtë dhe të djathtë kanë ndërhyrë në procesin tonë. Ne akoma nuk jemi mbledhur për të diskutuar për këtë gjë. Dyshime kemi se janë bërë manipulime në procesin e numërimit.

Unë kam qenë kandidat në Qarkun e Shkodrës, mbajta këtë zonë sepse nuk kisha ku të kandidoja tjetër sepse në Tiranë ishin Kostaq Papa. Shkodra është shumë e vështirë për të kandiduar, sepse qytetarët janë me PS, PD ka hyrë edhe Tom Doshi. Por kudo që shkoja më thoshin njerëzit çfarë do bësh për mua, çfarë më jep mua, ishte absurd për mua ta mendoja që deputeti tu gjente vende pune.

U çudita. Por megjithatë kam pasur disa njerëz që kanë votuar për mua, por nuk jam i kënaqur fare sepse diçka nuk ka funksionuar aty. Do ketë pasur një dakordësi mes numëruesve të majtë dhe të djathtë për të hequr partitë e vogla, siç nuk i kanë dashur. PS nuk i do partitë e djathta, po as PD se Basha nuk na mori në koalicion ne?, tha Shtjefni për CNA.al.

Ai shtoi më tej se janë në pritje të rezultateve nga ana e prokurorisë sa i takon krimeve zgjedhore që po hetohen.

?Tani presim që prokurori i përgjithshëm të gjitha krimet zgjedhore ti hetojë deri në fund. Mbase do të shkojnë nga të dyja krahët në burg kur të hapen letrat. Nëse realizohet do jetë pjesë e mirë.

KQZ i ka me pagesë kërkesën për hapjen e kutive, por ne nuk kemi pasur fonde, pra asnujë lek. Me pagat tona kemi bërë deri tani?, tha Shtjefni./CNA.al