web counter
LEXO PA REKLAMA!

SHKARKO APP

App Store
Google Play

E fundit!

x

“Basha të japë dorëheqjen”/ Soko: Ka nevojë për rikonfirmim të lidershipit të PD

30 Prill 2021, 17:11, Politikë CNA

Partia “Nisma Thurje” nuk mori asnjë mandat në zgjedhjet e 25 prillit, por sipas kandidatit të saj Pano Soko ajo doli forcë e parë ndër forcat e reja që kandiduan. Soko u shpreh se kreu PD Lulzim Basha duhet të pranojë humbjen dhe të japë dorëheqjen.

“Nëse ata nuk shkojnë në parlament duhet ti marrim me shqelma të shkojnë. S?duhet ntë ndodhë asnjëherë më. Basha duhet të marrë masat e duhura, ka nevojë për ri konfirmim të lidershipit të PD pas humbjes për herë të 2 radhazi. Kush humbet paguan, ai lider duhet të dorëhiqet, institucionet brenda partisë ta heqin, nëse  ka dëshirë të bëhet pjesë e garës prapë. Kjo është ajo që do ndodhte nëse do isha unë, shpresoj që të bëjë të njëjtën gjë. Më lider autoritar që i hypi një kali dhe nuk zbresin pa sduhet të ketë“. tha ai.

Më tej, Soko në një intervistë për Report Tv është shprehur se deklarata e Presidentit Ilir Meta që do të tërhiqej nëse Rama merr 71 mandate është një bast qesharak. Sipas tij, është e turpshme që një president të japë dorëheqjen për një bast politik dhe shprehet se i vjen keq për vendin tonë.

“Vënia e bastit të presidentit është e tmerrshme. Kjo është qesharake. Po merr ai 71 unë jap dorëheqjen këta e trajtojnë si pronë kur është përcaktuar qartë se kur presidenti duhet të dorëhiqet. Ai po jep dorëheqjen për një bast politik, që këtu fillon turpi që këtu më vjen keq për vendin tim. Tani e gjitha kjo është futur në një rrugë që skam ça them, është prapavijë politike, kanë interesa politike partia me partisë, PS me LSI se kështu është katandisur vendi jonë”. përfundoi Soko./CNA.al





Lajmet e fundit nga