web counter
LEXO PA REKLAMA!

SHKARKO APP

App Store
Google Play

"PD po humb zgjedhjet"/ Fatos Hoxha fajëson Bashën

27 Prill 2021, 12:03, Politikë CNA

Ish-deputeti demokrat Fatos Hoxha është shprehur se fajin për humbjen e PD sipas tij e ka Lulzim Basha dhe këshilltarët e tij.

Përmes një postimi në rrjetet sociale, ai thekson se në botë nuk ekziston asnjë strategji politike që pret fitoren t’i bjerë në prehër, me arsyetimin se kundërshtari po konsumon shumë mandate.

?Për të gjithë ata, që habiten se si PS mundi të marre mandatin e tretë dhe fajësojnë shqiptaret për këtë, është mirë të themi dhe të pranojmë dy të vërteta të thjeshta:

Në botë nuk ekziston asnjë strategji politike që pret fitoren ti bjerë në prehër, me arsyetimin se kundërshtari po konsumon shumë mandate.

Siç thoshte Majkëll Xhordan: ‘po punove fort ia del, s’ka rrugë të shkurtra në jete”.

Majkëll Xhordan ishte lider,

Ai fitonte, nuk priste që koshat t’ia bënte kundërshtari.

Strategjinë e gabuar politike PD e zgjodhi kur kishte përballe një kryeministër që treshin politik e kishte për zemër. Edi Rama e mbajti lehtësisht Bashkinë e Tiranës për tre mandate ( mezi ia hoqi Arben Ristani). Se përse do ta trembë treshi kryeministror, vetëm ” këshilltarët mizerabël” të Lulit mund ta dinë!??, shprehet Hoxha./CNA.al





Lajmet e fundit nga