LEXO PA REKLAMA!

SHKARKO APP

Meta–Kryemadhi mbyllin LSI-në

27 Prill 2021, 08:24, Politikë CNA
Meta–Kryemadhi mbyllin LSI-në

LSI ka humbur bindshëm në të gjithë vendin, në zgjedhjet parlamentare të 25 Prillit.

Pas daljeve të rezultateve, që e çojnë LSI-në për skrap, themeluesi i kësaj force politike Ilir Meta dhe bashkëshortja e tij, në pozicionin e kryetares, janë zhdukur nga skena politike.

Nuk dihet ku ndodhet dhe çfarë bëhet me ta.

Asnjë fjalë për dështimin, asnjë fjalë për shkrirjen e LSI-së, vetëm heshtje vdekjeje.

Ditën e zgjedhjeve, Meta shfaqej fitimtar dhe sulmonte sondazhet që LSI-në e nxirrnin jashtë loje.

?Sondazhet, që jepen, kanë vetëm prapavija partiake dhe ju do të argëtoheni me to në fund të procesit.

Qetësi dhe paqe tani për të gjithë ju!

Shqipëria ka fituar dhe shumë shpejt do çelim negociatat për anëtarësim?, shprehej Meta me 25 Prill.

Por, pasi doli dhe vlerësoi procesin zgjedhor, u zhduk nga sytë këmbët.

Në fakt, fjalimi i dorëheqjes nuk është i lehtë, se nuk është e lehtë për Metën të lësh karrigen e pushtetit.

Por nëse zyra e Presidencës i zë frymën për ta shkruar, vila në Gjirin e Lalzit ia jep mundësinë të relaksohet dhe ta shkruajë rehat atje.

Nga ana tjetër edhe Monika nuk bëhet e gjallë që prej 25 Prillit, kur deklarohej për fitore.

?Urime! Fitorja është e jona! Tani mos lëshoni asnjë milimetër, ta çojmë deri në fund procesin pa provokime duke numëruar edhe votën e fundit?, shprehej Kryemadhi ditën e zgjedhjeve.

Procesi i numërimit po shkon drejt fundit, LSI, në të gjithë vendin maksimumi shkon deri në 6 mandate, por Monika vijon të heshtë.

Pra, LSI-së, e cila ndryshe njihet si parti e zarfit dhe korrupsionit, ia bënë gati kyçin qytetarët në mbarë vendin, tashmë Ilirit dhe Monikës iu mbetet vetëm të tërheqin derën dhe ta mbyllin përfundimisht atë./CNA.al

Lajmet e fundit nga