E fundit!

11:38 Aktualitet

Dalin mesazhet/ Deputetët e PD-së kundër bojkotit të seancës në Kuvend

Vendimi i Partisë Demokratike për të mos marrë pjesë në se...

Panorama e përgjithshme në të gjithë Shqipërinë/ Ja si është shpërndarja e mandateve

27 Prill 2021, 03:42, Politikë CNA

Vijon procesi i numërimit të votave që prej mbrëmjes së datës 25 prill.

Panorama e përgjithshme në të gjithë Shqipërinë është 48.66% për PS, 39.37% për PD, 6.87 për LSI dhe 2.22 për PSD.

Ka pasur një ndryshim në shpërndarjen e mandateve gjatë minutave të fundit, ku PS nuk ka më 74 mandate por 72, pasi në qarkun e Durrësit, LSI ka hequr një mandate mazhorancës aktuale. Në këtë qark, PS ka 7 mandate, PD 6 të tilla dhe LSI vetëm 1. Në Durrës kanë ngelur edhe 172 kuti për tu numërur dhe pritet të shihet se si do të jetë rezultati final.

Në qarkun e Tiranës PS vijon të kryesojë në renditje me 48.83%, e ndjekur nga PD me 38.88%, më pas vjen LSI me 5.94% dhe PSD me 2.9%. Kjo shifër do të thotë ndryshe 18 mandate për PS, 15 mandate për PD, 2 LSI dhe 1 mandat PSD.

Gara në këtë qark është midis mandatit të 19 të PS dhe mandatit të 15 të PD. Opozita deri tani ka siguruar disa vota që ja bëjnë të sigurt mandatin e 15 dhe vështirëson marrjen e mandatit të 19 për mazhorancën. Ndërkohë që edhe në këtë qark kanë mbetur edhe disa kuti votimi, të cilat pritet të sjellin edhe ndryshim të rezultatit.

Ndërsa në qarkun e Elbasanit, i cili është kthyer edhe në një qark të nxehtë mes partive politike, PS vijon të mbetet në avantazh me 55.04% të votave, e ndjekur nga PD me 37.24% të votave, LSI me 4.48% dhe PSD me 0.37%. E përkthyer në mandate do të thotë që PS ka arritur të sigurojë 8 mandate dhe PD 6 të tilla. Në këtë qark kanë mbetur vetëm 20 kuti për tu numëruar dhe PS është afër marrjes së mandatit të nëntë.

Në qarkun e Fierit, PS vijon të kryesojë listën me 9 mandate, e ndjekur më pas nga PD me 6 mandate dhe LSI me 1 mandat.

Në qarkun e Shkodrës kryeson PD me 5 mandate, duke u ndjekur nga PS me 3, PSD me 2 mandate dhe LSI me 1.
Edhe në qarkun e Kukësit, i cili jep tre mandate ka arritur të kryesojë PD me 2 të tilla dhe më pas vjen PS me 1 mandat.

Qarku i Dibrës ka qenë një garë e ngushtë deri në kutinë e fundit, ku triumfuese ka dalë PD me 3 mandate dhe më pas vjen PS me 2.

Edhe në qarkun e Gjirokstërës ku tashmë ka përfunduar procesi i numërimit pati një rezultat surprizë, ku përfaqësuesi i LSI Vangjel Tavo nuk arriti të merrte dot një mandate për veten e tij, ndërsa PD ka marrë vetëm një për Tritan Shehun. PS arriti objektivin e saj duke marrë 3 mandate deputeti në këtë qark.

Një tjetër qark që i ka dhënë fitoren PS është edhe qarku i Korçës, ku mazhoranca ka arritur 6 mandate dhe PD 5 të tilla. Ndërsa LSI deri tani nuk ka marrë asnjë mandate, ndonëse kanë ngelur edhe 30 kuti për tu numëruar.
Edhe qarku i Beratit i ka dhënë 4 mandate PS, 2 PD dhe 1 LSI.

Qarku i Vlorës vijon të mbetet një bastion i së majtës, ku nga zgjedhjet e 25 prillit ka arritur të marrë 8 mandate, ndërsa PD 4 të tilla. LSI në këtë qark ka dalë me zero mandate, duke lënë jashtë Parlamentit të ardhshëm Luan Ramën, i cili ishte edhe drejtues qarku.

Pra në total, PS ka arritur në nivelin e 72 mandateve, PD në 59 mandate, LSI në 6 dhe PSD në 3./CNA.al