web counter
LEXO PA REKLAMA!

SHKARKO APP

App Store
Google Play

Sherri mes vëzhguesve dhe numëruesve/ Celibashi: Rendi i takon policisë

26 Prill 2021, 22:19, Politikë CNA

Kryetari i KQZ-së, Ilirjan Celibashi, ka reaguar lidhur me përplasjen fizike që ndodhi te KZAZ numër 30, në shkollën ?1 Maji?, në Tiranë.

Ai bëri të ditur se janë larguar të gjithë vëzhguesit të kësaj qendre dhe janë zëvendësuar me 13 vëzhgues të subjekteve politike që janë në garë dhe 7 vëzhgues të OJQ-ve.

Nga ambjentet e kësaj KZAZ-je, Celibashi tha se zbardhja e ngjarjes është çështje e organeve kompetente.

Në një deklaratë për mediat, ai theksoi se i takon policisë të ruajë qetësinë.

?Do të ketë vëzhgues të rinj, 13 të tillë. 7 vëzhgues të OJQ-ve. Në qendër do jenë vetëm përfaqësuesit e mediave, kandidatët për deputetë dhe askush tjetër. Do dalin të gjithë vëzhguesit që kanë qenë të akredituar deri tani.

Zbardhja është çështje e organeve kompetente. Më thanë që gjithë incidenti ka ndodhur nga pjesa e vëzhgimit. Sa herë që ka nevojë për ta vendosur rendin, vetëm policia mund ta bëjë këtë.

Në lidhje me misionin e policisë qartësisht nuk ka pasur probleme dhe ka qenë në përputhje me parashikimin e ligjit. Ky është rasti i parë?, nënvizoi kreu i KQZ-së./ CNA.al

Dhuna në shkollën ?1 Maji?/ Policia jep detaje, shoqërohen tetë persona





Lajmet e fundit nga