LEXO PA REKLAMA!

SHKARKO APP

“Tërmeti” i Gjiknurit në Vlorë/ Kemi ruajtur mandatet rekord!

27 Prill 2021, 07:03, Politikë CNA

Damian Gjiknuri i cili ishte drejtuesi politik i qarkut të Vlorës ka reaguar pas fitores së thellë të Partisë Socialiste në këtë qark, ku mori 8 mandate.

Ai shkruan se ka ruajtur mandatet rekord të fituara 4 vite më parë në këtë qark. Më tej, Gjiknuri ka dhe një mesazh për Ilir Metën, me të cilin pati akuza në distancë gjatë gjithë fushatës.

?Faleminderit për besimin! Vlora nuk u ndal. Me përfundimin e procesit të numërimit për forcat politike, konstatoj me kënaqësi se kemi ruajtur numrin e mandateve rekord të fituara 4 vite më parë. Qarku i Vlorës ka përqindjen më të lartë në rang vendi të votave për PS. Qytetarët e Vlorës, Sarandës, Selenicës, Delvinës, Himarës, Konispolit e Finiqit i dhanë përgjigjen e merituar edhe atyre që provokuan fushatën me deklarata e akuza, duke mos i lejuar të fitojnë asnjë mandat! Vota e marrë është përgjegjësi e shtuar për të punuar edhe më fort për vazhdimin e projektit të transformimit të Vlorës?, shkruan Damian Gjiknuri?, shkruan Gjiknuri.

Në këtë qark, Lëvizja Socialiste për Integrim doli pa asnjë mandat deputeti, PS me 8 dhe PD me 4./CNA.al

Lajmet e fundit nga