web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 25 Prillit/ Balla: PS do të marrë plot 78 mandate

9 Prill 2021, 17:28, Politikë CNA

Drejtuesi politik i Partisë Socialiste në qarkun e Elbasanit Taulant Balla ka zhvilluar ditën e sotme takim me banorët e Librazhdit.

Balla ritheksoi rëndësinë e zgjedhjeve të 25 prillit, ku shtoi se PS-ja do të marrë plot 78 mandate.

?Të vendosim për të votuar të gjithë së bashku për Edi Ramën dhe Partinë Socialiste. Është e rëndësishme të kujtojmë së çfarë hiqnin mësuesit kur vinte data 15 gusht për të marrë emërimet dhe mos harroni si bëhej tek shtëpia e drejtorit të arsimit të PD-së. Koha kur në Librazhd emërimet bëheshin me lekë ka përfunduar. PS do të marrë plot 78 mandate?, tha Balla.

Ai u shpreh se për dy fatkeqësitë që prekën Shqipërinë tërmeti dhe pandemia, Partia Socialiste ka bërë shumë dhe vetëm falë punës çdo gjë është në drejtimin e duhur dhe drejt përfundimit.

?Çdo metër katror asfalt do të kthehet më e bukur sesa ishte. Nuk quheshim qytet aspak me atë rrjet kanalizimesh të ujit të pijshëm dhe ato të ujërave të zeza që kishim. Jam i kënaqur që punët po shkojnë drejt përfundimit. Ne kemi bërë gjithë punët, tani na ka mbetur vetëm pjesa e fundit. Vetëm pas vitit 2013, Librazhdi hyri në listën e qeverisë shqiptare. Ne në 4 vitet e fundit kemi rikonstruktuar apo ndërtuar nga fillimi plot 270 shtëpi të familjeve të varfëra në Librazhd. Nuk e ka bërë këtë asnjë bashki tjetër?, tha Balla.

Akuzave të PD, se PS nuk ka bërë asnjë punë në Librazhd, Balla iu përgjigj duke përmendur të gjitha investimet e bëra nga qeveria Rama dhe PS deri më tani në këtë qytet.

?Po këta ku jetojnë? Po sheshet e qytetit? Po parku, gjithë prita e lumit Shkumbin, për të cilën do fillojë puna për ta çuar deri në Rrapun? Nuk qenka bërë punë në Librazhd?! Sot ne kemi arritur ta kemi ndihmën ekonomike thuajse 10 herë më të lartë. Kemi nisur një proces të rritjes së mundësisë së punësimit në Librazhd?, tha ai/ CNA.al

 





Lajmet e fundit nga