E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

“Meta fshihet pas skandalit në Rinas”/ Felaj: Provokoi institucionet shtetërore, prokuroria ka prova ta hetojë

9 Prill 2021, 16:52, Politikë CNA

Kryetarja e Komisionit të Sigurisë njëherësh edhe kandidate për deputete në Tiranë Ermonela Felaj në një intervistë për CNA.al ka folur për skandalin në aeroportin e Rinasit.

Felaj fajësoi presidentin Ilir Meta se ka gisht në këtë ngjarje dhe u shpreh se ka të dhëna që e gjitha kjo është ndërtuar më herët.

Sipas saj, Ilir Meta e ka zhveshur komstumin presidencial dhe ka dalë të bëjë fushatë me LSI-në. Deputetja e PS tha më tej se Meta provokoi rëndë institucionet shtetërore dhe i bëri thirrje prokurorisë që të nisë hetimet.

?Është e qartë që Ilir Meta e ka zhveshur kostumin presidencial, nuk e mban më atë as edhe formalisht dhe ka dalë në krye të fushatës të partisë nga e cila ai erdhi. Kjo mënyrë e të vepruarit patjetër që nuk ka lidhje me të qenit president i Republikës. Ndërkohë që ngjarja e fundit që ndodhi në aeroportin e Rinasit , qartësisht rezulton i përfshirë edhe presidenti i Republikës, dëshmon edhe njëherë për qëllime të errta të disa poltikanëve tanë të cilët në një mënyrë apo në një tjetër kërkuan të destabilizonin një strukturë të rëndësishme sociale, shëndetësore, ekonomike siç është aeroporti i Rinasit.

Pra jo vetëm një strukturë e lidhur ngushtë me sigurinë kombëtare por e lidhur ngushtë edhe me këto nevoja të tjera. Akti është shumë i rëndë, lidhja e Presidentit është shfaqur dukshëm nga mënyra sesi ai u kompurtua në publik në raport me këtë çështje nga fakti që AlbContolli një javë përpara se të ndodhte kjo ngjarje ishte në takim me Presidentin e Republikës madje ka të dhëna që gjithçka është ndërtuar më herët dhe gjithçka ka një prapavijë politike.

Unë uroj dhe inkurajoj organin e prokurorisë që të mbledhi çdo të dhënë të mundshme. Ti lidhi ato me njëra tjetrën dhe të sigurojë një qetësim sa më të duhur të gjithë faktit të ndodhur që në vetvete përtej asaj që ishte një fakt i rëndë ngelet një provokim i hapur që ju bë institucioneve shtetërore, vetë shtetit dhe shteti e kishte patjetër të domosdoshme dhe përgjegjësi të vetën të tregonte autoritin e tij?, u shpreh Felaj.

Kryetarja e Komisionit të Sigurisë u shpreh se presidenti Ilir Meta , Sali Berisha dhe të gjithë pasardhësit e tyre kanë qenë kundër reformës në drejtësi prandaj janë munduar ta bojkotojnë dhe vonojnë këtë proces.

Ajo thekson se çdokush që ka të bëjë me ligjin duhet të ketë frikë sepse e vërteta një ditë del dhe çdokush duhet të përballet me shkeljen që ka bërë.

?Ilir Meta, Sali Berisha dhe të gjithë pasuesit e tyre nuk e kanë dashur reformën në drejtësi dhe këtë e kanë shprehur që në krye të herës qëkur procesi filloj të ndërtohej. Gjatë gjithë kohës janë munduar ta bojkotojnë procesin, ta vonojnë , ta vënë në dyshim atë. E rëndësishme është që sot organet e drejtësisë janë konsistuar të gjitha dhe ajo çka të gjithë ne presim qoftë politika, qoftë qytetarët është performanca si duhet dhe komform ligjit e këtyre institucioneve të reja të drejtësisë. Nga ana tjetër nëse duhet të ketë frikë Ilir Meta apo dikush tjetër unë them që çdokush që ka të bëjë me ligjin duhet të ketë frikë nga ligji në kuptimin që asgjë nuk mund të fshihet sado kohë të kalojë dhe do vijë një ditë që gjithsecili që ka shkelur ligjin të përgjigjet për shkeljen që ka bërë?, theksoi Felaj.

Në fund të intervistës Felaj ftoi të gjithë të votojnë numrin e partisë që ajo kandidon.

?Mesazhi im i fundit është votoni numrin 12 Partinë Socialiste dhe nëse e gjeni veten në figurën e një gruaje deputete si Ermonela Felaj votoni numrin 13?, u shprej Felaj./ CNA.al