web counter
LEXO PA REKLAMA!

SHKARKO APP

App Store
Google Play

Rama me banorët në Korçë/ “Përpara 8 vitesh qyteti ishte lënë në harresë”

5 Prill 2021, 15:55, Politikë CNA

Ditën e sotme kryeministri Edi Rama ka vijuar fushatën në një ndër qytetet më të vizituara të Shqipërisë, në Korçë.

Gjatë fjalës së tij më qytetarët Rama u shpreh se ky qytet 8 vite më parë ishte lënë në harresë.

Sipas tij, në atë kohë nuk mund të krenoheshe me qytetet që mbartin vlera të mëdha kulturore sepse gjendja e tyre ka qenë kritike.

“Kohë më parë nis një projekt që në këndvështrimin tim është projekti i parë që më pas mori emrin rilindje urbane dhe u kthye në një program që iu bashkëngjit qeverisë socialiste. Pasi shihni rrugicat që pak nga pak merrnin formën e tyre, që më parë ishin lënë në pikë të hallit, diskutonim si mund të nxirrnin këtë vend nga një errësirë dhe trishtim që e kishte mbuluar. Për hir të së vërtetës për të gjithë thesaret që kanë qytete e Shqipërisë në atë kohë ishte e pamundur të bëje foto që të mund të dërgoje apo të krenoheshe te të tjerët pasi qytetet e Shqipërisë ishin lënë në një situatë shumë kritike.

Me rilindjen urbane ne hapëm një rrugë e cila vazhdon edhe këtu në Korçë rilindja urbane ka bërë një nga zhvillimet më domethënëse. Kjo është një program ekonomik, i cili bëhet bazë për zhvillime të mëtejshme. Fal rilindjes urbane këtu në Korçë janë hapur shumë sipërmarrje të vogla që zhvillohen dita ditës, sipërmarrje që kanë krijuar edhe punësime. Nëse sot flasim për Korçën si destinacion turistik na duket normale dhe natyrshëm, por vetëm para 8 vitesh turizmi ishte një fjalë dhe dëshirë e pa mbështetur në realitetin e  fakteve” u shpreh Rama./ CNA.al





Lajmet e fundit nga