E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Sherr në koalicionin e Lulit/ PDIU kundër LSI për komisionet e zgjedhjeve

5 Prill 2021, 15:56, Politikë CNA

Kur jemi vetëm 20 ditë larg ditës së zgjedhjeve, koalicioni i opozitës së Lulit ka nisur konfliktet zgjedhore.

Komisioneri i Zgjedhjeve javën e kaluar i ka hequr PDIU-së të drejten për t’u përfaqesuar në komisionet zgjedhore me përfaqësuesin e vet.

Kodi u jep te drejten partive që në zgjedhjet e fundit kanë patur në Kuvend më shumë se 2 deputetë, të kenë përfaqësues në komisionet e zgjedhjeve.

LSI dhe PDIU janë të dyja parti që në zgjedhjet e fundit të vitit 2017, kanë patur më shumë se 2 deputetë në Kuvend.

Rrjedhimisht, ato të dyja duhet të përfaqësoheshin në komisionet zgjedhore.

Ky ka qenë edhe interpretimi i administratës së Komisionit Qendror të Zgjedhjeve për çështjen.

Në seancën e vendimmarrjes për caktimin e përfaqësuesve ne komisionet e zgjedhjeve, Komisioneri i Zgjedhjeve ka pranuar kërkesën e LSI, duke i hequr të drejtën PDIU të përfaqësohet ne këto komisione.

Për këtë shkak, PDIU ka ankimuar vendimin e Komisionerit.

Nesër në KQZ Komisioni i Ankesave dhe Sanksioneve, zhvillon seancën publike për ankesën e PDIU, kundra vendimit të Komisionerit dhe LSI.

Me sa duket gjërat në kampin opozitar nuk qenkan dhe aq të qeta.

Aleatët e Lulit kanë filluar që tani konfliktet midis vetes.

Nuk është shumë e qartë se përse midis 2 partive që në zgjedhjet e fundit kanë patur secila më shumë se 2 deputetë, pra që plotësojnë kushtin e kërkuar nga Kodi, Komisioneri vendosi një rradhë preferenciale ndaj LSI-së.

Por sa kohë që në KAS, Luli ka 2 përfaqësuesit e vet, do të kemi rast që të paktën të kuptojmë se me cilin aletat është e lidhur më shumë PD në këto zgjedhje.

Të presim që të kuptojmë nëse Luli preferon aletatin PDIU që ka në listën e vet, apo aleaten LSI që është për llogari të vet.

Nga ana tjetër, 2 përfaqësuesit e Partisë Socialiste si gjithmonë do mbajnë hatrin e luftës së shpallur nga Kryeministri ndaj LSI.

Vendimmarrja e Komisionerit kësaj rradhe shërbeu që të mund të zbulojmë shumë preferenca të të gjithëve./CNA.al