web counter
LEXO PA REKLAMA!

SHKARKO APP

App Store
Google Play

E fundit!

x

“Mos e shisni votën”/ Kandidatja e Lëvizjes për Ndryshim mesazh qytetarëve: Bashkë kundër korrupsionit

5 Prill 2021, 14:58, Politikë CNA

Kandidatja e partisë Lëvizja për Ndryshim për qarkun Dibër, Sandra Xheleshi në një intervistë të dhënë, u shpreh se zgjedhjet e 25 prillit janë të rëndësishme për popullin, pasi e kanë në dorë të zgjedhin që të luftojnë korrupsionin që po ndodh çdo ditë, duke mos e shitur votën.

Xheleshi është një prej të rinjëve intelektual që i është bashkuar kësaj partie.

Ajo ka jetuar dhe studiuar në Londër, dhe së fundmi është kthyer në Shqipëri sepse mendon se Dibra ka nevojë për një zë të fuqishëm në Parlamentin e ardhshëm.

?Sandra Xheleshi, jam kandidate në qarkun e Dibrës me Lëvizjen për Ndryshim. Kam jetuar në Angli për 17 vite dhe jam shkolluar në Londër për shkenca politike dhe masterin për siguri shtetërore.

Kam punuar për projekte të ndryshme për investimin e Ballkanin Perëndimor të financuar nga donatorë të ndryshëm siç është zyra e zhvillimit të Britanisë, Shtetet e Bashkuara të Amerikës dhe OKB-ja dhe sot jam kthyer në Shqipëri që populli i Dibrës të ketë një zë në parlament që fol kundër padrejtësive që po ndodhin për ditë.

Dua që këto zgjedhje njerëzit e thjeshtë të ndihen të përfaqësuar në Parlament.

Mendoj që këto zgjedhje janë shumë të rëndësishme sepse do të marrë një vendim populli, a do të qëndrojë për korrupsionin që po ndodh tani, apo do e luftojmë armikun e ri dhe tu themi atyre që mund të na blejnë se vota jonë nuk është në shitje sepse vota jonë është e drejta jonë dhe të drejtat tona nuk janë në shitje?, tha ajo.

Sandra Xheleshi theksoi se i është bashkuar Lëvizjes për Ndryshim pasi e sheh si të vetmen alternativë që flet kundër korrupsionit.

?E shoh  Lëvizjen për Ndryshim si e vetmja alternativë për shqiptarët sot është e vetmja parti që flet kundrra korrupsionit dhe i bën që njerëzit e thjeshtë të ndihen të përfaqësuar, kjo ishte? tha Xheleshi

Ndërkohë që kandidatja e Dibrës është pyetur edhe për kandidatët e partive të tjera, për të cilët shprehet se: ?Nuk dua të flas me emra por besoj që populli do e kuptojë vetë sesa të pastra janë listat e partive të tjera , populli meriton më mirë, meritojmë kandidatë të pakorruptuar të pamanipuluar dhe meritojmë kandidatë transparent të shkolluar?.

Në fund, Sandra Xheleshi ka edhe një mesazh për të gjithë votuesit.

?Këto zgjedhje janë shumë të rëndësishme , se në këto zgjedhje është koha që tu thuash, se ke të drejtën tënde dhe të flasësh kundrra padrejtësive që po ndodhin, ti e ke votën, ti e ke në dorë ndryshimin, votoni ?Lëvizja për Ndryshim? numrin 11?-përfundoi kandidatja e Lëvizjes për Ndryshim./CNA.al





Lajmet e fundit nga