E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

"Ka kontribuar fort në politikën shqiptare"/ Rrëfimi i Bamir Topit për Berishën

5 Prill 2021, 12:23, Politikë CNA

Ish presidenti Bamir Topi e ka vlerësuar ish kryeministrin Sali Berisha si një nga personat që ka dhënë kontribute të forta në politikën shqiptare.

Topi është shprehur se, Berisha ishte një njeri jashtëzakonisht i motivuar në punën e tij. Gjithashtu ai thekson se, në fillimet e tij ishte lider shumë serioz ku nuk gjente vend vulgariteti.

?Sipas meje Berisha është një person me kontribute të forta në politikën shqiptare. Ka qenë në sytë e mi dhe të intelektualëve në përgjithësi një njeri shumë serioz.

Një njeri që ishte vështirë të përzihej serioziteti qoftë edhe me momente humori, pra ishte një njeri jashtëzkonisht i motivuar në punën e tij.

Pastaj me kalimin e kohës, politika shqiptare në përgjithësi degradoi. Ju keni parë ngjarje të cilat lidhen me Parlamentin shqiptar që çdo person që del aty del pa ?Rr? para opinionit publik. Mund të them që edhe vetë Berisha në një farë mënyre pati degradimin e tij në sjelljen publike.

Pra, ndryshe ka qenë Berisha në fillimet e tij një lider shumë serioz ku vulgariteti nuk gjente vend, pastaj me kalimin e viteve si duket edhe nervat ju prishën nga debatet dhe nga mënyra se si po zhvillohej politika në Shqipëri, por politikani sjelljen e vet e ka me vete.

Tek e fundit çdo njeri e di mirë se si i përdor instrumentet e tij dhe mesa duke tani ka gjykuar që duhet të sillet në këtë mënyrë?, u shpreh Topi në Kojshia show.

Ish presidenti gjithashtu ka sjellë në kujtesë momentin e rënduar për Berishën në vitin 1997 kur në shqipëri kishte nisur lufta civile dhe ai la postin e tij si president.

Topi rrëfeu se e gjeti ish kryeministrin Berisha në një gjendje shumë të rënduar nga ana morale.

?Ka qenë një moment shumë i vështirë që lidhet me 97. Më kujtohet që ka qenë dita kur Berisha la Presidencën për tu kthyer te Partia Demokratike.

Kam shkuar në mbrëmje për ta takuar për ti demostruar në mënyrë shumë të natyrshme solidaritetin human të kolegut duke i thënë që shtëpia ime është 200 metra larg nga Selia, sepse në atë kohë jetoja në qendër të Tiranës. Unë jam për ty çdo minutë të 24 orëshit vi menjëherë, llogarit një mik.

Nuk ka patur hipokrizi pasi ka qenë një ditë shumë e vështirë?, ka thënë ish-presidenti. / CNA.al