“Opozita është gati për të ardhur në pushtet”/ Shehi: Rama ka mbaruar

31 Mars 2021, 08:50, Politikë CNA

Kandidati për deputet i PD-AN Dashamir Shehi ka folur për zgjedhjet e 25 prillit dhe qeverisjen e kryeministrit Edi Rama në 8 vite.

Sipas tij, opozita ka 8 vjet që është gati për të ardhur në pushtet duke treguar se Rama ka mbaruar dhe nëse ikën nga pushteti duket sikur po ikën dreqi.

?Opozita ka 8 vjet që është gati për të ardhur në pushtet dhe sot më shumë se kurrë. Duket se po ikën Churchilli. Këtu po ikën dreqi se me ardh një normal do të jetë një mrekulli. Ky është i certifikuar, ky është një bllok politik. Ka 8 vjet. Edhe brenda nesh mund të mos ketë qartësi të përgjigjes. Zgjedhjet nuk gjykojnë të kaluarën. Ky njeri ka mbaruar?, tha Shehi.

I ftuar në studion e ?Dita jonë? në A2, Shehi ka thënë se i vjen turp nga kjo qeverisje e cila bën klounin dhe ska me çfarë të merret, duke theksuar se sipas tij rinia në PS është Rama dhe një tufë bosh.

?Tani nuk ka më me çfarë merret. Tani merret me mua. Unë kam ikur në ?96 nga qeverisja. Na vjen turp për këtë qeverisje. Ne qenkemi rreziku? Largohemi ne të vjetrit bashkë me të, ndërkohë që ky është më i vjetër në politikë, ka që në ?98. Është 60 vjeç ai që bën estradë, po ngaqë bën klounin nuk e kuptojnë sa vjeç është. Ku ka rini në PS, është ky dhe një tufë kot, bosh?, tha Shehi.

Shehi fton qytetarët të krahasojnë jetën e tyre në 8 vitet e qeverisjes së Ramës, duke treguar që krimi ka mbuluar këtë shtet që sipas tij e drejtojnë një grusht kriminelësh dhe të korruptuarish.

?Unë them që për zotin Rama s?do asnjë argument nëse shqiptarëve u duket se sot jetojnë më mirë se 8 vjet më parë, kanë më shumë siguri nuk vriten në rrugë nga pistoleta dhe krimi le të votojnë Ramën, por kanë të gjithë të drejtën të kenë dyshime edhe për krahun tjetër. Edhe unë them që brenda nesh mund të mos jenë qartësia e përgjigjes, zgjedhjet janë një hipotezë për të ardhmen ky është argumenti bazë.

Nëse ky sukses është i mjaftueshëm e kanë përballë. Nuk ka se kush është më i zoti për të folur, shikoni të dy palët dhe votoni. Ishim afër Europës dhe jemi 8 vjet larg, krimi ka mbuluar këtë shtet ne nuk jemi më shtet për një grusht të korruptuarish dhe të kriminalizuarish. Ikni bëni zgjedhjen tuaj apo ju ofrojmë shkëlqimin opozitar jo, por realitetin për shpresën se edhe ne të shkojmë drejt Europës?, tha Shehi.

Përsa i përket vaksinave, Shehi u shpreh se Rama e përdor duke e quajtur gënjeshtar dhe maskarallëk, që po përdoret për fushatë elektorale, pasi sipas tij kjo është detyrë e qeverisë, ndërkohë që ngre dyshimet mbi mënyrën e sigurimit të tyre.

?Kjo është gënjeshtra më e madhe se po ua shpjegoj që nuk ka sjellë fare vaksina. 200 mijë vaksina 100 mijë vetë vaksinohen deri për zgjedhjet. Ky do përdor për fushatë, një gënjeshtër e madhe dhe maskarallëk i madh.

Me gjithë dyshimet që kam, ne kemi lidhje me të mëdha me Kinën e Rusinë, e megjithatë ne si politikanë kemi detyrën që t?i themi popullit të vaksinohet, pastaj do t?i kërkojmë hesap këtij zotërisë pse e merr në Abu Dabi dhe jo në rusi, apo kinezen në Kinë pse e merr nëpërmjet Turqisë. Prandaj rritet dyshimi, kjo është detyra që ka bërë dhe mos të gënjejë për fushatë?, u shpreh Shehi./CNA.al