web counter
LEXO PA REKLAMA!

SHKARKO APP

App Store
Google Play

E fundit!

x

Agron Gjekmarkaj kundër Bashës/ "U shit tek Rama, privatizoi dhe zhduku PD"

31 Mars 2021, 07:13, Politikë CNA

Kreu i PD, Lulzim Basha, për të ?famshmin? analist që bridhte dhe bredh lart e poshtë studiove televizive, Agron Gjekmarkaj, s? ishte gjë tjetër, veçse shkatërrues i Partisë Demokratike.

Por, sot është bërë pjesë e kësaj partie që sipas tij Basha e ka shkatërruar.

Nuk është se Gjekmarkaj me përfshirjen në listat për deputetë do t?ia ndryshojë imazhin PD, por më tepër do ta përkeqësojë atë. Nëse Gjekmarkaj ka harruar se çka thënë e çka shkruajtur nëpër opinione, demokratët, votuesit nuk mund të harrojnë atë që dikur i shikonte si pjesë e një partie të rrënuar.

Në një analizë të publikuar në media me 23 Prill 2018, Gjekmarkaj ka ka sulmuar kreun e PD, Lulzim Basha, për zhvillimet brenda partisë. Sipas Gjekmarkajt, PD me Bashën kryetar, është transformuar në një parti me një krizë të thellë, ku rrjedhimisht nuk jep më shpresë.

Tre vite më parë, i ?qante? zemra se PD po shkatërrohej, se PD ishte në krizë, ndërsa sot, që është bërë pjesë e saj, dhe synon një vend në Kuvend, PD, ka dalë nga kriza dhe Lulzim Basha, është më i miri politikan dhe më i miri drejtues.

Sot Gjekmarkaj e konsideron veten shpresë të PD, kur nuk ka asnjë kontribut në këtë parti. I vetmi kontribut i tij, janë akuzat që ka hedhur ndër vite ndaj kreut të PD, Lulzim Basha.

Në një analizë politike të botuar në media në vitin 2018, Gjekmarkaj lëshonte akuza të rënda për Bashën, ndërsa përmendte edhe marrëveshjen e 17 Majit. Sipas Gjekmarkaj me këtë marrëveshje, Basha u shit tek Rama dhe zhduku e fshiu kujtesën e PD.

?Me mbledhjen e Këshillit Kombëtar, për statutin mori përsipër listat, dëbimet, fshirjen e kujtesës së PD-së, marrëveshjen me Ramën, transformimin e kësaj partie në një parti të tijën. Nuk fshihet më jo Lulzim Basha. Ajo PD që kemi njohur dikur me cenet dhe virtytet e saj nuk ekziston më. Partia që u formua nga elita e vendit në dhjetor 1990, sot drejtohet nga personazhe pa spikamë publike. Shikoni estabilishmentin drejtues në krah të Bashës, kryesinë, nënkryetarët, sekretarët, grupin e tij parlamentar dhe së fundi, Këshillin e tij Kombëtar!? shkruante Gjekmarkaj në analizën e tij.

Akuzat e tij kanë tejkaluar Lulzim Bashën, dhe kanë depërtuar deri tek stafi i tij. Por, sot është e njëjta PD, i njëjti Lulzim dhe i njëjti staf, në krah të të cilëve, Agron Gjekmarkaj garon për deputet në Lezhë.

CNA.al do të vijojë që të sjellë në baza ditore, të gjitha akuzat e Agron Gjekmarkajt ndaj kreut të PD-së, Lulzim Basha, jo për të ngushtuar analistin e ?famshëm?, por për të hedhur dritë dhe për zbardhur fytyrën e vërtetë, të kandidatit për deputet që kërkon votat e demokratëve, për të cilët pak kohë më parë thoshte se nuk kanë më parti./CNA.al





Lajmet e fundit nga