web counter
LEXO PA REKLAMA!

SHKARKO APP

App Store
Google Play

Kryesuesi i listës së Bindjes në Shkodër prezanton kandidatin në Pukë/ I këndon Sali Berishës

31 Mars 2021, 18:23, Politikë CNA

Kreu i listës së Bindjes Demokratike në Shkodër, Tonin Uldedaj këndon këngë për Sali Berishën gjatë fushatës në Pukë. Uldedaj ka qenë duke prezantuar kandidatin e Bindjes në Pukë Gjovalin Dushaj dhe pas takimit elektoral është mbledhur me stafin dhe mbështetësit në një restorant të qytetit.

Të ftuar kanë qenë edhe artistë të ndryshëm pukjanë, këngëtarë dhe instrumentistë, të cilët i kanë dhënë atmosferë festive drekës elektorale. Një prej këngëve të kënduara ka qenë edhe një refren i njohur kushtuar ish-kryeministrit Berisha.

Në mes të valltarëve duket edhe koordinatori i Bindjes për Shkodrën Tonin Uldedaj që këndon, kërcen dhe përplas duart sipas ritmit ta këngës së njohur tropojane.

Uldedaj ka qenë administrator i njësisë bashkiake të Shëngjinit dhe nënkryetar i Bashkisë Lezhë si përfaqësues i PD.

Duket sikur Uldedajt edhe pse janë ndarë me Bashën duket ende respektojnë liderin historik të PD Sali Berishën, duke synuar kështu votat e elektoratit demokrat i cili ndihet i papërfaqësuar nga Lulzim Basha.

Bindja Demokratike e Astrit Patozit synon të marrë një deputet në Shkodër me Tonin Uldedaj, pinjoll i një familjeje të madhe dhe me lidhje të forta në ketë qark.





Lajmet e fundit nga