E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Jorida Tabaku takim me përfaqësuesit e biznesit të vogël në Sauk/ "Do të eliminojmë fiskalizimin"

31 Mars 2021, 14:27, Politikë CNA

Kandidatja për deputete e Partisë Demokratike në Tiranë, Jorida Tabaku gjatë një takimi me përfaqësuesit e biznesit të vogël në njësinë nr.2 në Sauk u shpreh se opozita ka një plan të detajuar për mbështetjen e biznesit të vogël.

Më tej, ajo premtoi se PD do të heqë fiskalizimin, një barrë që rëndon drejtëpërdrejtë në xhepin e qytetarëve. Më tej, ajo theksoi se nxitja e ekonomisë është prioritet i PD, së bashku më punësimin, kryesisht atë të të rinjve.

Biseda e plotë:

-Si ka shkuar puna?

-Puna siç është rilindja, ashtu është.

-Kaq keq është?

-Më keq se aq, sidomos ky vit njëherë, ka qenë më keq se vitet e tjera, akoma dhe më i ndjeshëm!

-Akoma dhe më keq!

-Nuk ka më keq!

-More ndonjë mbështetje në kohë të pandemisë?

-Mora një, një mbështetje kam marrë pastaj ma hoqën dhe nga skema e përfitimeve, vetëm ajo ishte, vetëm ajo 400 mijë lekshi.

-Pagove taksa ndërkohë?

-Të gjitha, unë qera paguaj për një muaj, paguaj 1 milionë e 200 mijë lekë, në shtetizolim kam marrë vetëm 400 mijë lekë.

– Po e papërfillshme!

-Shumë e papërfillshme!

-A do ta ndryshojmë apo jo?

-Do ta ndryshojmë se s’bën!

-Erdha thjesht për t’u prezantuar dhe ta di si shkojnë punët!

-Copë-copë mo!

-Ky është biznesi yti? Ku punon? Si po të shkon? Dobët? Ne kemi një plan pune mbështetje për biznesin e vogël, do të eleminojmë fiskalizimin dhe më e rëndësishmja, është që të nxisim ekonominë! Sot ekonomia është në ngerç! Ti e sheh që nuk ka konsum dhe ti e sheh që nuk blejnë produkte ushqimore. Ti je në shkollë, ke studiuar?

-Të mesmen!

-Edhe t’i japim mundësi punësimi dhe rinisë. Mundësi arsimi dhe punësimi. Djem të rinj si puna jote, duhet të gjallërojnë ekonominë, duhet edhe të hapin biznese, e të kenë mundësi vetë për t’ia dalë në jetë!

-Si ke qenë? Si jeni? Mirë si kaluat?

-Mirë ,ju si jeni?

-Plot?

-Ç’ka!

-Tani e ka hapur si biznes!

-E ka hapur në kohë të vështirë, po do ndryshojë pas një muaji!

-Ishalla!

-Me mbështetjen tënde po! Faleminderit! Gjithë të mirat!

-Si ke qenë?

-Mirë si je ti? Si kalove? Erdha të prezantohem, do jem deputetja e PD-së për këtë zonë!

-Faleminderit! Suksese ishalla! E kemi për nder!

-Unë në fakt e kam për nder që do përfaqësoj komunitetin tuaj!