web counter
LEXO PA REKLAMA!

SHKARKO APP

App Store
Google Play

“Sulmet politike do rriten”/ Erla Mëhilli: Nuk besoj se do ketë surpriza

31 Mars 2021, 17:51, Politikë CNA

Ish-zëdhënësja e ish-kryeministrit Sali Berisha, Erla Mëhilli, ka bërë një analizë të situatës politike, kur kanë mbetur vetëm pak javë nga zgjedhjet parlamentare të 25 prillit.

Mëhilli tha se nuk beson se do të ketë surpriza në këto ditë që kanë mbetur nga zgjedhjet, pasi deklaroi se partitë politike e kanë shpalosur programin.

Ajo theksoi në Euronews Albania se sa më shumë të afrohet data e zgjedhjeve, aq më shumë do të rriten edhe sulmet ndaj kundërshtarëve politikë.

?Nuk besoj se do të ketë surpriza këto ditë që kanë ngelur. Partitë politike e kanë shpalosur mënyrën se si do bëjnë fushatë. Rama duket se e ka lënë pak këtë fushatën e sulmit ndaj kundërshtarit politik. Kam përshtypjen se do të mos eklipsojë pak fushatën e vaksinimit që po bën.

Unë besoj që përplasjet në distancë sa të afrojë data e zgjedhjeve do vijnë në rritje, do nxehen. Shpresoj vetëm që deklaratat politike të mos nxehin edhe mbështetësit e partive politike dhe pastaj të tensionohet situata ashtu siç ndodhi në Elbasan. Por nuk besoj të ketë surpriza të mëdha?, deklaroi ish-zëdhënësja e Berishës./ CNA.al





Lajmet e fundit nga