web counter
LEXO PA REKLAMA!

SHKARKO APP

App Store
Google Play

Video-Luan Rama i kthehet kryeministrit/ “Të pafytyrët kanë fytyrë të premtojnë përsëri”

30 Mars 2021, 09:21, Politikë CNA

?Tregu si dëshmi e talljes dhe mashtrimit të qytetarëve?, kështu është shprehur nënkryetari i LSI-së Luan Rama teksa ka vizituar tregun e produkteve bujqësore dhe industriale në Vlorë.

Nënkryetari i LSI-së ka akuzuar kryeministrin Edi Rama për premtimet e bëra në vitin 2013 dhe 2017 për këtë treg dhe gjendja e tij vazhdon të jetë jashtë çdo standardi pasi nuk plotëson as kushtet minimale.

?Jashtë çdo standardi dhe pa kushtet më minimale për të ofruar shërbim ndaj qytetarëve, tregu është në fakt shëmtia e qytetit, dëshmia më e qartë e talljes dhe e mashtrimit të qytetarëve. U premtua në vitin 2013 se do të ishte investimi i parë që do të bëhej për qytetin, por mbeti vetëm një gënjeshtër. U premtua edhe në vitin 2017 se në katërvjeçarin e dytë të rilindjes do të investohej e do të bëhej një treg modern, por, si në traditën e qeverisjes së tyre, përsëri gënjeshtër?– ka shkruar Rama.

Sipas tij premtimet që kryeministri po bën janë mashtrim dhe tallje për qytetarët e Vlorës.

“Dhe paturpësisht, të pafytyrët kanë fytyrë dhe shkojnë e premtojnë përsëri! Mashtrim dhe tallje me qytetarët e Vlorës?– ka shkruar Rama./CNA.al

 





Lajmet e fundit nga