web counter
LEXO PA REKLAMA!

SHKARKO APP

App Store
Google Play

E fundit!

x

Thirrja e Ardi Kollozit/ Pushteti i kryeministrit duhet të kufizohet me kushtetutë!

30 Mars 2021, 07:20, Politikë CNA

Kandidati i Bindjes Demokratike për qarkun e Vlorës, Ardi Kollozi thotë se Shqipëria ka nevojë urgjente për ndryshime në Kushtetutë, sepse na duhet një sistem zgjedhor që të garantojë jo vetëm barazinë e votës dhe preferencën e zgjedhësit.

Sipas tij, sistemi politik shqiptar duhet të çlirohet nga kontrolli i dy partive të mëdha.

?Pushteti i kryeministrit duhet të kufizohet me kushtetutë. Ne mendojmë se Shqipëria ka nevojë urgjente për ndryshime në Kushtetutë, sepse na duhet një sistem zgjedhor që të garantojë, jo vetëm barazinë e votës dhe preferencën e zgjedhësit, por edhe korrektimin kombëtar të rezultatit, në rast se do të ruhet patjetër proporcionali rajonal. Sistemi politik shqiptar duhet të çlirohet nga kontrolli i dy partive të mëdha dhe nga avantazhi i frikshëm i qeverisë, sa herë shkohet për të votuar. Duhet kufizim me ligj i pushtetit të kryeministrit si dhe të shihet mundësia për aplikimin e votimit të detyruar?, shkruan Kollozi.

Ai thekson se shqiptarët sot janë të shtrënguar më shumë se çdo popull tjetër në botën demokratike.

?Privilegjet kushtetuese për shefin e qeverisë duhet të hiqen, në mënyrë që, në rast se kryeministri rrëzohet me mocion, parlamenti të ketë mundësinë të krijojë një shumicë të re, siç e kanë pothuajse të gjitha vendet demokratike të botës?, përfundon Kollozi./CNA.al





Lajmet e fundit nga