web counter
LEXO PA REKLAMA!

SHKARKO APP

App Store
Google Play

E fundit!

x

Topalli “ia përplas në sy” Gjekmarkajt/ “Nuk ke asnjë kontribut në PD”

29 Mars 2021, 20:03, Politikë CNA

Drejtuesja e Lëvizjes për Ndryshim, Jozefina Topalli, ka debatuar mbrëmjen e sotme me analistin dhe kandidatin e PD-së për deputet, Agron Gjekmarkajn.

Analisti tha se i duket absurde që ish-kryeparlamentarja dhe kryetari i Bindjes për Ndryshim, Astrit Patozi të kritikojnë Lulzim Bashën, por kjo deklaratë nuk është pritur mirë nga ish-nënkryetarja e PD-së, e cila u shpreh se nuk i merr parasysh fjalët e tij.

Topalli i përplasi në sy Gjekmarkajt faktin që nuk ka asnjë kontribut në PD, ndërsa e akuzoi se shfaqet në media si analist dhe nga ana tjetër përdor fjalorin e Bashës.

Debati në emisonin ?Real Story?:

Topalli: Ka disa vite që është kandidat i Lulzim Bashës por shfaqej si analist. Analistat duhet të jenë të pavarur në mendimet e tyre dhe jo të përdorin fjalorin që ua imponojnë kryetarët e partive. Armiku i kandidatëve të Bashës nuk është Edi Rama, por Jozefina Topalli. Janë detyruar të thonë se Jozefina është e shitur te Rama, po dëmton PD-në. Agroni ka kohë që e bën, para se të siguronte mandatin e deputetit në Lezhë.

Agron i dashur, mua nuk më bën përshtypje çfarë thotë një njeri që nuk ka asnjë kontribut në PD. Të më thuash mua se nuk sulmoj Edi Raman, më vjen për të qeshur se jeni me 8 vite vonesë. Kur unë flisja, ju nuk flisnit për gjërat më të rënda.

Gjekmarkaj: Unë kam folur më shumë se ju. Respekti personal nuk më lejon që ta kaloj etikën por nuk më pengon të them disa të vërteta. Nuk besoj se keni një staturë kaq të madhe për të folur mbi raportet e mia me Bashën./ CNA.al





Lajmet e fundit nga