E fundit!

09:35 Opinione Bujar Leskaj

Bojkoti është gjithnjë gabim

Bojkoti i djeshëm nga Partia Demokratike i seancës plenare...

Kolegji Zgjedhor e la jashtë listës si kandidate për deputete/ Reagon Mimoza Hajdarmata

29 Mars 2021, 15:53, Politikë CNA

Kandidatja e Partisë Demokratike Mimoza Hajdarmataj është lënë jashtë listave nga Kolegji Zgjedhor, i cili ?krastiti? plot 69 emra.

Hadarmataj përmes një postimi në rrjetin social ka reaguar kundër këtij vendimi, duke u shprehur se ka ngelur e zhgënjyer nga Reforma Zgjedhore, e cila sipas saj është miratuar me taktika politike të interesave të caktuara.

Kandidatja e PD thekson më tej se pavarësisht vendimit të Kolegjit Zgjedhor, ajo do të jetë e angazhuar dhe do të japë të gjithë kontributin e saj në zgjedhjet e 25 prillit për fitoren e PD.

?Kolegji Zgjedhor sot, bashkë me disa të tjerë, më heq edhe mua të drejtën të garoj si kandidate për PD në zgjedhjet e 25 Prillit.

E ditur pak a shumë, por një ngjarje e shtuar në realitetin dekurajues të përditshmërisë sonë…

Pikësëpari dua ti shpreh falënderimet dhe mirënjohjen më të thellë mikeshave, kolegëve, farefisnisë dhe gjithë komunitetit tropojan, në Tropojën time të shtrenjtë dhe kudo në Tiranë, për përkrahjen dhe inkurajimin e pakushtëzuar, që më dhanë në nisje të kësaj sfide.

Nuk mund të mos shpreh keqardhje dhe zhgënjim që e famshmja Reformë Zgjedhor kombinuar dhe me taktika politike të interesave të caktuar, përjashton jo rrallë nga gara njerëz dhe veçanërisht gra e vajza potenciale, me kontribute dhe aftësi të jashtëzakonshme, për ti dhënë politikave, një zë ndryshe edhe më të fuqishëm nga përvojat e deritanishme.

Megjithatë ndodhi çfarë ndodhi…

Unë personalisht do të mbetem plotësisht e angazhuar dhe e motivuar për t’i shkuar deri në fund sfidave për fitoren e PD, si partia e bindjeve dhe vokacionit tim personal, që nuk ndryshon, qysh prej themelimit të saj!

Asgjë dhe askush nuk më demotivon e aq më tepër një pozicionim ose jo si kandidate në listë.

Vetëm ndryshimi dhe fitorja e PD ka për të sjellë shpresë për familjet tona dhe një të ardhme europiane për Shqipërinë.

Për këtë jam e bindur prandaj do të jem aty së bashku me shumë e shumë të tjerë për ta bërë realitet?, shkruan Hadarmataj./CNA.al