web counter
LEXO PA REKLAMA!

SHKARKO APP

App Store
Google Play

E fundit!

x

“U largove kur duheshe më shumë”/ Ngjela mesazhe ngushëllimi për humbjen e ish kryeministrit

29 Mars 2021, 14:33, Politikë CNA

Është përciellë drejt banesës së fundit trupi i pajetë i deputetit socialist Bashkim Fino, ndërsa të shumtë kanë qenë ata që kanë shprehur mesazhe ngushëllimi.

Avokati Spartak Ngjela e cilëson Finon si një njeri të veçantë me moral të lartë dhe edukatë të mirëfilltë qytetare.

Ai thotë se deputeti socialist u largua në kohën kur duhej më shumë.

?Bashkim Fino, nuk jeton më. Dhe me dhimbje më duhet ta them këtë? Bashkim Fino, ishte një njeri i veçantë: kishte moral të lartë dhe edukatë të mirëfilltë qytetare. Punëtor i madh dhe me optikë të lartë menaxheriale.  Tani nuk jeton më.

Por, si kryeministër, ai e shpëtoi Shqipërinë në trazirat e vitit 1997. Operativ, trim, paqësor dhe humanist: ai diti të drejtonte edhe shtetin, por diti që të jepte edhe optimizëm me logjikë të saktë kundrejt ndërkombëtarëve të shumtë që e shihnin me shumë shqetësim çështjen shqiptare. Tani nuk jeton më. Humbje e madhe për politikën shqiptare, njëlloj si dhe për familjen e tij.

Unë e kisha mik, dhe u miqësova me të jo nëpër lokalet e Shqipërisë, por kur ai ishte si drejtues, si kryeministër dhe si menaxher brilant i qeverisë që drejtonte.  Në luftë i patrembur; Në punë, i palodhur; Në fushata elektorale tejet popullor;  Dhe në jetë: i moralshëm, shoqëror dhe vetëm i drejtë. Ti u largove Bashkim në një kohë kur duheshe shumë. Të qoftë i lehtë dheu i atdheut tënd?, shkruan Ngjela./CNA.al





Lajmet e fundit nga