web counter
LEXO PA REKLAMA!

SHKARKO APP

App Store
Google Play

E fundit!

x

Dita e dytë e vaksinimit masiv/ Tomini: Do të vazhdojmë me të njëjtat ritme

29 Mars 2021, 14:31, Politikë CNA

Në ditën e dytë të vaksinimit masiv në të gjithë vendin, zv ministrja e Shëndetësisë Eugena Tomini është shprehur se edhe sot procesi ka vijuar me të njëjtin intensitet si dje.

Sipas saj, edhe në ditët në vijim vaksinimi do të vazhdojë me të njëjtat ritme, duke shtuar se numri i aplikimeve për të marrë dozën e vaksinës ka arritur në mbi 11 mijë.

“Të gjithë qendrat shëndetësore kanë filluar aplikimin e vaksinës sinovac apo coronavac. Ditë tepër e rëndësishme, ndërkohë ne përkuam me 11 437 aplikime të vakinës. Edhe sot procesi ka vijuar me të njëjtin intensitet. Në ditët në vijim me të njëjtin instensitet çdo gjë pritet të vijoë edhe më mirë“, u shpreh Tomini.

Sa i përket ruajtjes së vaksinave, Tomini u shpreh se janë krijuar të gjitha kushtet.

“Në krye të herës është bërë një vlerësim mbi kapacitetet e sistemit shëndetësor. Janë krijuar kushtet frigoriferike për ruajtjen e vaksinave. Ne kemi rreth 7 mln kapacitete dozash për ti ruajtur në të njëjtin moment”, shtoi ajo.

Shumë qytetarë që janë shprehur skeptikë për bërjen e vaksinës për shkak të komplikacioneve, Tomini tha se ka pasur vetëm reaksione minimale.

?Efektet anësore janë vërejtur ne kemi një sistem, që monitoron për të gjithë vaksinat. Që nga janari deri më tani jemi ngritur në një nivel më të lartë alarmi. Kemi pasur reaksione të padëshiruara edhe në rastin e Pfizer. Ka pasur reaksione minimale duke u konsideruar nga temperatura, ndërkohë që kanë qenë dhe reaksione apo ngjarje në vendin e aplikimit. Dhimbje muskuli pamundësi për të lëvizur krahun, kemi pasur lodhje, me Astrazeneca të vjella, kanë qenë reagime minimale”-  shtoi Tomini./CNA.al





Lajmet e fundit nga