web counter
LEXO PA REKLAMA!

SHKARKO APP

App Store
Google Play

Paloka vijon fushatën elektorale/ “Me Ramën 3 orë më shumë janë fatkeqësi”

29 Mars 2021, 16:55, Politikë CNA

Drejtuesi Politik i Partisë Demokratike në Qarkun Durrës, Edi Paloka, dhe dy kandidatët, Andia Ulliri dhe Aulon Kalaja kanë vijuar ditën e sotme fushatën elektorale në Fushë Krujë

Gjatë fjalës së tij, Paloka u shpreh se Rama ka krijuar shumë pakënaqësi në popull dhe sipas tij, kjo gjë u reflektua dhe në hapjes së fushatës elektorale. Më tej ai shtoi se me Ramën në krye të qeverisë  3 orë më shumë janë fatkeqësi për shqiptarët.

?Nuk ishte i braktisur dhe i vetëm mbrëmë Edi Rama, sepse siç u përpoq ta justifikonte, është nga ata që zbaton rregullat. Dhe ne u kërkuam qytetarëve që hapjen e fushatës ta ndiqnin nëpërmjet mediave, sepse të tilla ishin rregullat. Një pjesë e juaja na kërkuan të vijnë në Tiranë dhe u thamë jo, sepse këto janë rregullat dhe duhet të zbatoheshin, por nuk i ndalje dot qytetarët.

Prandaj u mblodhën, për të treguar se tek Partia Demokratike shohin shpresën. Askush nuk do t?i ndalte as socialistët nëse do e shihnin me shpresë Edi Ramën, por qytetarët kalonin dhe e shihnin me indiferencë, ishin aq pak se i kanë braktisur dhe vetë socialistët. Socialistët e dinë tashmë që me Ramën jo mandat të tretë, por edhe tre orë më shumë janë fatkeqësi për shqiptarët?, tha Paloka./CNA.al





Lajmet e fundit nga