web counter
LEXO PA REKLAMA!

SHKARKO APP

App Store
Google Play

Zgjedhjet e 25 prillit/ Niko Peleshi: “Na duhet një mandat i tretë sepse ne qeverisim ndryshe”

30 Mars 2021, 08:57, Politikë CNA

Kandidati për deputet i PS në Korçë, Niko Peleshi ka vazhduar ditën e sotme me fushatat elektorale, duke kërkuar një mandat të tretë për qeverinë.

Sipas tij, Shqipëria është një ndër vendet e para në rajon që ka siguruar vaksinim  dhe sistemi shëndetësor nuk ka rënë.

Ai shton se mandati i tretë do të tregojë që PS është ndryshe, nga mënyra si qeverisin dhe nga vlerat që kanë.

?Duke qenë se fshati tani është pjesë e bashkive të mëdha falë ndarjes administrative territoriale ka më shumë mundësi për financim për punë. Jemi duke ecur shumë shpejt me rindërtimin, pandemia nuk ka shkaktuar kolaps, nuk ka rënë sistemi shëndetësor. Shqipëria është një nga vendet e para në rajon që ka siguruar vaksinimin. Tani fillojmë vaksinimin masiv, një vaksinim intensiv në çdo qendër të banuar. Ne kërkojmë një mandat të tretë se besojmë që jemi ndryshe. Jemi të bindur që jemi shumë ndryshe. Jemi ndryshe në të gjitha aspektet, nga mënyra si qeverisim por edhe nga vlerat që kemi”, tha Peleshi

Peleshi tha se heqja e taksës së naftës dhe heqja e TVSH për imputet bujqësore janë të tjera politika që qeveria ka bërë për zhvillimin e bujqësisë dhe lehtësimin e fermerëve. Ai tha se investimet në fshat janë rritur dhe se me marrjen e mandatin e tretë do të kemi rritje të investimeve në zonat rurale.

“Heqja e TVSH për imputet bujqësore ishte një masë e mirë sepse duke ulur çmimet e imputeve ul koston e prodhimeve dhe rritim të ardhurat e fermerit. Heqja e taksës për naftën është e njëjta logjikë. Kanë filluar aplikimet për skemat e blegtorisë. Punët e tjera në fshat ju i dini më mirë, si rrugët në parcela ashtu edhe kanalet vaditëse dhe kulluese. Kemi punuar gjithë këto vite me përkushtim dhe prandaj kjo është arsyeja pse ne jemi të vendosur të ecim para”, tha Peleshi./CNA.al





Lajmet e fundit nga