web counter
LEXO PA REKLAMA!

SHKARKO APP

App Store
Google Play

E fundit!

x

“PS synon 11 mandate në Fier”/ Petro Koçi: Meta, rrezik për shtetin

24 Mars 2021, 17:13, Politikë CNA

Kandidati i PS në Fier, Petro Koçi ka folur për synimet e mandateve të Partisë Socialiste në Fier.

Ai tha se socialistët kërkojnë një mandat të tretë qeverisës për të çuar përpara punët e nisura.

Sipas Koçit, qeveria Rama ka përballuar me sukses objektivat që ka marrë përsipër, nga përballimi i sfidave që ka sjellë natyra siç ishte sfida e tërmetit deri te pandemia.

?PS meriton një mandat të tretë. Qeveria Rama ka përballuar me sukses objektivat që ka marrë përsipër por është shquar për përballimin e sfidave që ka sjellë natyra siç ishte sfida e tërmetit dhe më pas pandemia. 

Qeveria Rama ka treguar se ka shpirtin e punës, e vendosur për të ecur përpara me reforma të rëndësishme, ku veçojmë reformën në drejtësi, një reformë e cila në procesin e vetting-ut nxori jashtë sistemit dhjetëra prokurorë e gjyqtarë të korruptuar. 

Qeveria Rama është një qeveri që ka reputacion të theksuar ndërkombëtar, meritë e kësaj qeverie është dhe solidariteti për tërmetin dhe ardhja e një numri në rritje e vaksinave që do të sjellin imunitetin ndaj Covid-19. Punët e bëra në terren janë një tjetër arsye për mandatin e tretë. 

Këtu kam parasysh jo vetëm qeverisjen qendrore por edhe atë lokale, sepse shumë projekte dhe në Fier janë projekte që kanë pasur bashkëfinancim dhe bashkëveprim. Fieri është kthyer në kantier pune. dhe jemi të angazhuar për mijëra punë të tjerë,? tha Koçi.

Në një intervistë për ?Report Tv?, Petro Koçi u shpreh për çiftin Berisha-Meta të cilët sipas tij janë rrezik për shtetin dhe për kushtetutën.

?Nga ana tjetër përballë nesh është një çift individësh Berisha-Meta që mbartin në kurriz përgjegjësi të mëdha për shkak të ngjarjeve kriminale që kanë pasur për autor PD dhe LSI që kurorëzuan një martese politike me krimet e 21 Janarit dhe një sërë veprimesh kundër shtetit dhe institucioneve. Meta dhe Berisha janë rrezik për shtetin, për kushtetutën dhe vetëm PS është garanci për stabilitetin shoqëror dhe integrimin e vendit,? u shpreh Koçi.

Për zonën e Fierit, Koçi ka si synim të socialistëve të marrin 11 mandate. Ndërkohë që premtimet e kundërshtarëve, për Petro Koçin janë premtime piramidale më e rrezikshme se e Sudes.

?Ne synojmë 11 mandate sepse mendojmë që është rezultat objektiv. Minimalja është 10 deputetë, aq sa kemi aktualisht, por për shkak të një situate politike më të favorshme ne mendojmë se mund të marrim 11 mandate. Sigurisht karta e parë e jona është cilësia e kandidaturave; 

Që në momentin e shpalosjes së emrave PS tregoi se dominon skenën politike në qarkun e Fierit. Kandidaturat tona janë dinjitoze dhe me përvojë shtetërore, partiake dhe njerëzore ç’ka dëshmon avantazh ndaj kundërshtarit që ka kandidatura që nuk kapin nivelin tonë. Duhet theksuar se kandidaturat tona e kanë provuar se janë fituese. Ndërkohë mendoj se avantazhi kryesor është programi i qeverisë krahasuar me programin e palës tjetër.

Basha ka premtuar se do hamë me garuzhde të florinjtë, skena e premtimeve të tij është piramidale më e rrezikshme se e Sudes dhe duhet bërë kujdes me politikanë të tillë se e çojnë vendin si në ’97

Ne jemi parti që në çdo fushë kemi bërë analiza specifike mbi të cilin jemi bazuar për programin tonë, ndërsa programi i palës përballë e dëmton kulturën elektorale në vend. Në fakt nëse ka premtim serioz të saj është të zhbëjë reformën e drejtësisë dhe të fusë në sistem persona të korruptuar që do të sillte shkatërrimin e sistemin e drejtësisë dhe do të na çonte në raport të vështirë me SHBA dhe BE,? ka thënë Koçi.

Petro Koçi duke folur për vizionet e tij tregoi se urbanizimi i zonave rurale është një prej tyre duke ndërprerë fluksin e largimeve nga fshati në qytet. Ai shtoi se puna do të vazhdojë për të zgjidhur problemet e ujësjellsëve dhe energjisë.

?Unë jam caktuar që të përfaqësoj 5 njësi administrative në zonë myzeqare. Vizioni im është urbanizimi i zonave rurale, mendoj se duhet të ndërpritet fluksi i largimeve nga fshati drejt qyteteve. Pra ka nevojë të urbanizohet fshati. Pika e dytë është certifikimi i pronave në fshat, të banesave dhe tokave është një proces që do të mbyllet në mandatin e ri qeverisës.

 Kjo është zonë bujqësore dhe do të nxisim politikat e asistencës për bujqësinë dhe do të sjellim projekte në agro-turizës, në këtë kuptim do të rikonstruktohet aksi Fier-Seman që është një projekt prioritar edhe rruga e Libofshës do të lidhet me aksin qendror Lushnje-Fierit që të lidhet përmes Ardenicës.

 Ne do të vazhdojmë të punojmë në konceptin e zhvillimit të zonave rurale, ndërkohë probleme të tilla si energjia, ujësjellës dhe kanalizime janë një objektiv pune që vazhdon të jetë në fokus të qeverisë qendrore dhe locale?, tha Petro Koçi./ CNA.al





Lajmet e fundit nga