E fundit!

10:15 Aktualitet

VIDEO-Protestë nga burgu i Pojskës/ E burgosura: Rama jep dorëheqjen

Një e burgosur në burgun e Pojskës është filmuar nga drita...

Kim shigjetoi PS për Tom Doshin/ Toni Gogu: I kuptojmë partnerët tanë, kemi listat më të mira

24 Mars 2021, 15:10, Politikë CNA

Ambasadorja amerikane Yuri Kim u ka bërë thirrje partive politike për lista të pastra dhe pa persona të inkrimiuar, ku ka shigjetur edhe PS që të kishte një qëndrim të qartë publik për rastin e Tom Doshit, njësoj siç kishte bërë më herët dhe Partia Demokratike.

Ish-prefekti i Tiranës dhe njëherës kandidat për deputet në qarkun e Tiranës nga radhët e PS-së Toni Gogu u shpreh se PS ka ditur fare mirë që të ndërtojë marrëdhëniet me ndërkombëtarët, dhe i ka kuptuar ata edhe kur nuk kanë folur fare.

?Partia Socialiste di të dëgjojë shumë mirë partnerët tanë strategjikë, kur ata heshtin dhe jo më kur ata flasin qartë. Janë një sërë momentesh historike në Shqipëri, kur partnerët kanë dëgjuar zërin e PS që të bashkëpunojë me ta, unë kështu do ta komentoja atë deklaratë?, u shpreh Gogu.

Sa i takon krahasimit të listave të PD-së dhe të PS-së në qarkun e Tiranës dhe jo vetëm, Gogu u shpreh se ato janë lehtësisht të dallueshme, duke e vënë theksin tek kandidimi i Najada Çomos dhe Luljeta Bozos.

?Listat janë lehtësisht të dallueshme, për shkak se ekipi i PS po drejtohet nga një person që e fillon punën shumë herët, tani që po flasim do jetë duke ndjekur procesin e vaksninimit, dhe nga ana tjetër kemi një person që ka kohë të shkruajë dhe libra.

Në krye të ekipit tonë ne kemi një inxhiniere dhe një mjeke që nuk kanë sosur misionin e tyre, në shërbim të qytetit dhe të pacientëve. Kemi një grup djemsh dhe vajzash të rinj, që do ta bëjnë Shqipërinë zgjedhjen e parë të shqiptarëve. Përballë kemi listën e shokut Kopi pa asnjë shahist, që nuk ka menduar për qytetarin, për sfidën e rimëkëmbjes së vendit, por ka menduar për një ujdi që mundet të nxjerri ca numra.

Për të sistemuar ca njerëz , që kanë qenë gjatë në skenën politike, dhe nuk e dimë çfarë mund të sjellin akoma. Është e qartë se kemi përballë një ekip që punon, përkundrejt një tjetri që ka vetëm dëshirë që të fitojë, që të vazhdojë me baltën. Të fitojmë pavarësisht çdo rregulli?, tha Gogu.