web counter
LEXO PA REKLAMA!

SHKARKO APP

App Store
Google Play

Vaksinimi i mësuesve/ Rama-Manastirliu flasin me shifra

24 Mars 2021, 13:00, Politikë CNA

Kryeministri Edi Rama dhe Ministrja e Shëndetësisë , Ogerta Manastirliu inspektuan nga afër vaksinimin e mësuesve në Kamëz.

Për vaksinimin masiv, Manastirliu u  shpreh se do të fillojë javën tjetër.

?Këtu në Kamëz kemi rreth 1000 mësues, të cilët janë duke u vaksinuar. Sot kalojmë besoj mbi 16 mijë mësues të vaksinuar. Ndërkohë që janë mbi 52 mijë vaksinime të kryera në të gjithë vendin.

Sot finalizojmë edhe aktin normativ për vaksinat, të cilat jemi duke blerë nëpërmjet distribuotrit të autorizuar dhe besoj që javën që vjen fillojmë vaksnimin masiv? -tha Manastirliu.

Për vaksinimin e të moshuarve Rama tha se po punojnë fort dhe së shpejti do të japi lajmin se kur do të fillojë ky vaksinim.

?E kam ne majë të gjuhës lajmin për gjyshin dhe gjyshet që janë pika e dobët për familjen nga pikëpamja e dashurisë dhe kujdesit por edhe nga pikëpamja  e shëndetit. Fillimi i vaksinimit masic eshte fiksimi ambicja dhe gjthë qëllimi i vajtjes time në punë gjatë gjithë kësaj periudhe. Me  ndihmën e zotit dhe me ndihmën e miqve dhe me këmbënguljen tonë, lajmi i mirë do dali nga goja por edhe pak fare?- u shpreh Rama .

Që prej fillimit të vaksinimit janë kryer në total 52,050 doza të vaksinës ndaj COVID19. Janë kryer 28,659 vaksinime për personelin shëndetësor dhe stafet mbështetëse, 8,889 vaksinime për të të moshuar dhe 14,502 vaksinime për arsimtarët. Procesi i vaksinimit po kryhet sipas të gjithë parametrave të sigurisë dhe cilësisë nga ekipe të trajnuar vaksinatorësh në të gjithë vendin./ CNA.al





Lajmet e fundit nga