“Rama përdor Tom Doshin për të tallur Ambasadorët”/ Ish ministri zbardh faktet

24 Mars 2021, 10:10, Politikë CNA

Ish ministri i drejtësisë në Qeverinë ?Rama 2?, Ylli Manjani ka komentuar paketën e projektligjeve të reformës në drejtësi që u miratuan ditën e djeshme në Kuvendin e Shqipërisë.

Ai ka shtruar pyetjen se a është korrekt kryeministri Edi Rama me ambasadorët e huaj në Shqipëri, dhe ka renditur disa fakte ku ka hedhur dyshime se Edi Rama po përdor Tom Doshin për të tallur me Ambasadorët.

?Rasti i Tom Doshit e bën më të dukshëm talljen, mashtrimin dhe tregimin e vendit që Edi Rama u bën Ambasadorëve. Për hir të fakteve, zonja Kim ende reagon, por deri më tani ngjan se po i bën reklamë elektorale Tomës… As ajo, as paraardhësit e saj nuk kanë bindur opinionit publik këtu se çfarë krimi ka bërë Toma në Amerikë, apo në Shqipëri?!

Ndoshta po të kishte kursyer pak kohë nga deklaratat për “topin në fushën e Bashës, apo tolerancën e Ramës”, do ishte marrë më shumë me interesat amerikane në ligjin zgjedhor, pra me vendosjen e rregullave ndaluese për Tomën e të tjerët. Por nuk e bëri?- ka shkruar Manjani.

Sipas Manjanit ndëshkimi i vjedhjes së votës, ishte dhe mbetet dështimi më i madh. ?Ambasadorët nuk arritën të dëshmojnë asnjë sukses që reforma e tyre po ndëshkonte hajdutët e votave me pushtet?-u shpreh ai.

Ai ka sjellë në vëmendje rastin kur deputeti , Adnor Shameti tha publikisht se ligjet e reformës në drejtësi kanë nevojë të korrigjohen, gjë që çoi në reagimin e Ambasadores Amerikane.

?Por sot ligjet u prekën jo konsensualisht nga Rama. E çfarë të prekure!? U shtuan nenet tranzitore që synojnë plotësimin e disa vakancave të rëndësishme në Gjykatën Kushtetuese, të cilat janë në thelb balanca e vendimmarrjes aty. Njësoj si me zgjedhjen e Arta Markut, synohen që të plotësohen vakanca të përhershme me ligje të përkohshme?- ka shkruar Manjani.

Më tej Manjani ka vijuar sulmin ndaj Ramës me radhitjen e fakteve të tjera.

?Vetëm pak ditë nga kodi konsensual, Edi Rama në një aleancë me Myslymin&co, hodhi në kosh publikisht konsensusin e arritur tek zonja Kim. Prezent ishte edhe zoti Soreça, pra BE. Rama u tregoi vendin të dy ambasadorëve, por këto të fundit heshtën. Ranë squk. Prap nuk jam i bindur që ta kishte bërë Basha në opozitë këtë gjë ata do rrinin kaq squk?- ka shkruar ai.

Në fund Manjani ka shtuar se braktisja e perëndimit dhe vendosja e Shqipërisë në lindje, nga ana e Edi Ramës nuk meritoi asnjë koment nga Ambasadorët.

?U bë gurgule për 5G, por snjë fjalë për vaksinën kineze të blerë në Turqi. Pa lidhje fare. Gurguleja e ndikimit Rus, u shumëzua me zero me një kovë vaksinash SPUTNIK?- ka shkruar Manjani./ CNA.al