web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 25 Prillit/ Rushaj: Vlora do ketë surpriza, në Shkodër do marrim...

23 Mars 2021, 21:43, Politikë CNA

Drejtuesi i fushatës së PD, Alfred Rushaj  ka folur rreth zgjedhjeve të 25 Prillit dhe shprehet i sigurt se Partia Demokratike do të marrë 8 mandate në Shkodër ,ndërsa PS vetëm 3 mandate.

Në një intervistë për SyriTv ai tha se Shkodra e ka mbështetur PD edhe në kohët  e vështira.

?Është një histori që e kam përsëritur. Më datë 31 mars 1991 Tiranë bëri atë ndryshimin e madh, vrau frikën. Në Tiranë kandidoi njeriu më i fuqishëm në atë të kohë, Ramiz Alia, që kishte gjithçka, në të njëjtin model si ky i sotmi. Në mes të Tiranës, aty ku mendoni se kishin bastionin e tyre, Ramiz Alia humbi përballë një qytetari të thjeshtë.

Unë mendoj që e njëjta gjë do të ndodhë edhe këtë radhë. Shqiptarët nuk duan vetëm rrotacion, por duan që të japin një mesazh që nuk mund të vazhdohet me këtë regjim. Nuk mund të pranojnë që një vend i NATO-s të bëjë një hap mbrapa. Dhe Tirana do ta bëjë këtë ndryshim.

PS-ja realisht e ka si objektiv në Shkodër  4 mandate po ne themi do marrin 3 dhe ne do të marrim 8 mandate. Shkodra është një qytet që e ka vrarë me kohë frikën. Ata na ka dhënë  mesazhin që në ditë të vështira na ka mbështet por kur ne kemi gabuar ka votuar alternativën, besoj i mbani mend zgjdhjet për kryetar bashkie të vitit 1996. Ajo e kupton se ne dhe Shqipëria  kemi nevojë për suportin maksimal dhe duket nga të gjitha gjasat që do ta bëjë këtë gjë? u shpreh Rushaj.

Më tej ai ka folur për Vlorës, ku sipas tij edhe pse gjithmonë ka fituar PS-ja, këtë vit do të ketë surpriza. Rushaj tha që Rama i ka marrë për të mirëqenë vlonjatët.

?Vlora ka votuar gjithmonë majtas pra për PS. Mendoj që kryeministri  e ka marrë për të mirëqene suportin që i ka dhënë  dhe ne  mendojmë se do kemi surprizë në Vlorë sepse ata nuk mund të durojnë dot poshtërimin dhe nënvlerësimin. Rama ka menduar se mund ta blejë Vlorën me fasada?, u shpreh Rushaj./CNA.al





Lajmet e fundit nga