web counter
LEXO PA REKLAMA!

SHKARKO APP

App Store
Google Play

E fundit!

x

Tensione para zgjedhjeve/ Kim: Udhëheqësit nuk duhet të nxisin njerëzit të marrin armë

23 Mars 2021, 20:19, Politikë CNA

Ambasadorja e SHBA në Shqipëri Yuri Kim ka komentuar mbi ngjajrjen e ndodhur në Elbasan ku pati përplasje mes militantëve të PD-së dhe PS-së.  Në një intervistë për AbcNews ajo theksoi se dhuna para zgjedhjeve është përgjegjësi e liderëve të partive politike.

 ?Mendoj se është shumë e dukshme që dhuna në politikë është e papranueshme. E di që dhuna politike ka qenë pjesë e historisë së Shqipërisë, por kjo është në të shkuarën. Tani mendoj që është një Shqipëri ndryshe.

Mendoj që drejtuesit kanë një përgjegjësi  të vecantë në fjalët dhe në veprimet e tyre. Jo vetëm që ta dënojnë dhunën, por edhe që ta parandalojnë atë.  Kështu që udhëheqësit nuk duhet të shkojnë që të mund të nxisin që njerëzit të mund të marrin armët, apo të mund të përfshihen në vepra të dhunshme. Është përgjegjësi e tyre?, u shpreh Kim.

Ambasadorja Amerikane foli edhe për vizitën në Shkodër  ku u shpreh se u ka bërë të qartë mesazhin e Shteteve të Bashkuara zyrtarëve të lartë.

?Është një kënaqësi e madhe. Para së gjithash, Shkodra është një nga vendet e mia të preferuara në Shqipëri. Ju mund ta dini se kam qenë këtu, tetorin e vitit të kaluar dhe kam ndjerë që nuk kam kaluar kohë mjaftueshëm. Për këtë arsye jam rikthyer.

Dhe sigurisht, tani jemi një muaj përpara zgjedhjeve kombëtare të rëndësishme në Shqipëri. Kështu që mendova se ishte një kohë e mirë për të ardhur e për të parë personalisht se çfarë është duke ndodhur, se cfarë mendojnë njerëzit. Si dhe që ta bëj shumë të qartë se cili është mesazhi i Shteteve të Bashkuara.  Sikundërse jeni në dijeni, unë kam qenë javën e kaluar në Elbasan, dhe këtë javë kam ardhur në Shkodër?, deklaroi Kim./CNA.al

 





Lajmet e fundit nga